Сите се сомневаат дека Мила има големи проблеми во бракот
Американските медиуми неколку пати во текот на изминативе две години пишуваа дека бракот на актерскиот пар Ештон Кучер и Мила Кунис е на стаклени нозе и дека парот е пред развод поради различните карактери и недостигот на заеднички поминато време.
До развод сè уште нема дојдено, но прашање е колкава вистина има во приказната објавена од страна на магазинот National Enquirer пред една година, според која 36-годишната Мила се изгладнува до смрт поради стрес поврзан со поранешната сопруга на Ештон, 57-годишната актерка Деми Мур.
Имено, во тоа време Деми ја подготвувала својата автобиографска книга на мемоари, во која најавила дека ќе ги открие сите пикантерии од бракот со 41-годишниот Ештон, кој, како што тврдела, ја изневерувал и ја наговарал на секс во тројка за да го зачинат љубовниот живот.
Магазинот тогаш објавил дека Мила се плаши од тоа што ќе биде објавено во книгата и дека од стрес воопшто не може да јаде, па драстично губи килограми. Дури и разговарале со експерт за исхрана, кој кажал дека по издавањето на книгата на Деми, на Мила ќе ѝ треба храна и емоционална поддршка.
По излегувањето на текстот, се огласил портпаролот на Мила и кажал дека во сето тоа нема никаква вистина. А и кога ќе се споредат фотографиите на Мила денес и од пред година дена, не може да се забележи дека била драстично послаба во периодот кога Деми требала да ја објави книгата.
https://www.instagram.com/p/CDQoTRTH75p/
Освен тоа, актерката со грчки корени неодамна се појавила со Ештон во The Tonight Show на Џими Фалон и изгледала здраво и среќно, со што дефинитивно ги побила наводите дека се изгладнува.
Да се потсетиме дека парот е во брак од 2015 година и имаат четиригодишна ќерка Вајат и двегодишен син Димитри. Иако Ештон не одговорил директно на наводите од книгата на Деми Inside Out, актерот по објавата на книгата на својот твитер-профил објавил порака со која индиректно одговорил на обвинувањата од Деми дека ѝ бил неверен.
„Прво сакав да напишам многу саркастична порака. Потоа, ги здогледав син ми, ќерка ми и сопругата и ја избришав“, напишал актерот и подоцна додал:
„Животот е добар“, цитат што му го припишал на својот татко.
На крај, актерот го споделил својот телефонски број, на кој обожавателите можат да го контактираат, со пораката:
„Ако ја сакате вистината, испратете СМС.“