Крај на епската судска битка „Пит-Џоли“: Еве кому ќе му припадне старателството над децата!

Макотрпната судска битка која ја водеше поранешниот холивудски пар Анџелина Џоли и Бред Пит за старателство над децата конечно се приближува кон крајот. Извор близок на адвокатскиот тим на Бред Пит изјавил:

„Би било речиси невозможно калифорнискиот суд да го раздвои таткото кој толку очигледно работеше на себе и за благосостојбата на тие деца, особено од близнаците“, пренесуваат медиумите.

Со тоа на ум, правниот тим на познатиот актер е оптимистичен дека на Пит (56) ќе му биде доделено заедничко старателство над близнаците Нокс и Вивиен Маршелин (12), а најверојатно и над постарата ќерка Шајло (14).

Адвокатите на познатиот актер тврдат дека по агонијата што ја поминал во борбата со Анџелина поради старателството над децата, кое многу му е важно: „Бред конечно ќе го почувствува вкусот на победата!“

Што се однесува до постарите, посвоени деца, Пакс (16) и Захара (15), правниот тим смета дека ним најверојатно ќе им биде даден избор од страна на судијата да одлучат со кој родител сакаат да живеат и дека постои голема веројатност тие да одлучат да живеат со мајка им.

Медокс (19) кој во текот и по разводот јавно бил на страната на мајка му, законски се смета за возрасна личност и не е дел од спорот.

„Бред знае дека Медокс е изгубен и дека тука ништо не може да направи, но се надева дека со преостанатите деца повторно ќе успее да изгради убав однос и да надомести за четирите изгубени години“, додава изворот.

Борбата за старателство била тешка и „валкана“, а во еден момент, Бред бил претставен од страна на адвокатите на Анџелина како „неподобен татко“ и како некој кој е склон на алкохол и пороци, односно дека не може да се смета на него.

Парот пред некое време ги закопа борбените секири и се обиде да воспостави нормален однос поради децата, поради што и побарале стручна помош, но за жал, тој обид останал без успех.

Анџелина Џоли за Бред Пит: „Поради него пропаднав и се борам со депресија!“