Кејт Мидлтон и принц Вилијам во посета на Ирска: Војвотката од Кембриџ блеснала во зелен фустан!
Пристигнале
Војводата и војвотката од Кембриџ пристигнале вчера во Даблин
Кејт Мидлтон (38) и принц Вилијам (37) пристигнале во Ирска каде што се состанале со претседателот Мајкл Хигинс и неговата сопруга Сабина.
Војвотката од Кембриџ за оваа пригода блеснала во зелен фустан и капут, додека војводата се одлучил за костим и вратоврска.
https://www.instagram.com/p/B9TnpTVHbek/
На војводата и војвотката од Кембриџ ова им е прва службена посета во странство по Брегзит, а положиле и венец во Градината на спомените, посветена на сите што го дале својот живот за независноста на оваа земја.
„Никогаш да не ги заборавиме лекциите од историјата и заедно да продолжиме да градиме поблескава иднина“, пишувало на венецот.
Додека сите се радувале на нивното доаѓање, Кејт Мидлтон им мавтала на присутните а истото го правел и принц Вилијам.
Инаку, оваа посета на Ирска е првата по речиси десет години, откако тоа го направила и неговата баба кралицата Елизабета и така влегла во историјата, бидејќи тоа била првата посета на таа земја од страна на владејачки британски монарх.
ФОТО: ИНСТАГРАМ
Сакате да се насмеете? Погледнете ја оваа приватна фотографија на Кејт Мидлтон која таа би ја уништила!