Инфлуенсерката проговори за најтешкиот период од животот, кога со скромни примања се борела да му обезбеди сè на својот син Андрија.
Миа Костова отворено проговори за годините кога како самохрана мајка се соочувала со сериозни финансиски предизвици. Таа призна дека имало период кога месечно живеела со околу 30.000 денари, но и покрај сите тешкотии успеала да му овозможи нормално детство на својот син Андрија.
Според неа, тоа не бил краток период од неколку месеци, туку реалност која траела со години. Миа вели дека нејзиниот син уште од мал знаел дека семејството не може да си дозволи сè, но никогаш не барал повеќе од она што било можно. Токму затоа денес го опишува како културно, воспитано и скромно момче.
Поврзани објави
Костова открива дека имало моменти кога ситуацијата била толку тешка што немала пари ниту за основни работи, како пелени. Сепак, нагласува дека никогаш не дозволила Андрија да се почувствува запоставен или лишен од љубов и внимание, бидејќи верувала дека најважно е детето да расте во сигурна и топла средина.
И покрај сите предизвици, Миа денес гледа на тој период како на доказ дека упорноста и храброста секогаш се исплатат. Таа порачува дека токму тешките животни искуства ја направиле посилна личност и додава дека отсекогаш верувала во изреката дека среќата ги следи храбрите.
printskrin youtube – Prvatv