Грешка стара 19 години: Кој е типот во кадарот на култната серија? (ВИДЕО)
„Пријатели“ и понатаму во фокусот на вниманието
Хит-серијата „Пријатели“ и две децении по емитувањето и понатаму е обожавана од страна на публиката. А еден обожавател по 19 години открил грешка која се „провлекла“ при снимањето на една сцена.
Поврзани објави
Станува збор за 18-та епизода од 8 сезона, наречена „The One in Massapequa“, која се емитуваше во 2002 година и во која родителите на Рос и Моника приредуваат прослава за својата 35-годишнина од брак.
Во спорната сцена, Џек Гелер (таткото на Рос и Моника), во еден момент е во кадарот, а во следниот на негово место стои непознат маж.
Кој е типов?“, прашува обожавателот во видеото кое го објавил на ТикТок.
@bronniiieeeWho is THAT? ##friendstok ##tvbloopers ##tvblooperfound ##whoknew ##trending ##viral ##fyp ##foryou ##xyzcba♬ There goes the crackhead – Matthew Daniel Gordon
Објаснувањето има врска со начинот на кој е серијата снимана. Спорна е сцената од HD-обработената верзија на епизодата, која има формат на слика 16:9 наместо претходната верзија која е оригинално снимена во формат 4:3, што значи дека сликата е сега поширока и се покажува повеќе од планираното како на пример статисти кои не требало да се најдат во кадар.
Исто така, Џек и Џуди Гелер на прославата ја носат истата облека како и на фотографијата од нив која стои на ѕидот, а која би требало да е снимена и урамена минимум еден ден претходно, ако не и неколку години, нели?
Тоа не е првпат фановите да забележат такви грешки во омилената серија. И претходно биле забележани статисти наместо познатите актери, па така непозната жена ја заменила Рејчел во една сцена, која инаку ја толкува Џенифер Анистон.
You can’t fool a #Friends fanatic. Why is this not-Rachel standing in for Rachel in this ep? https://t.co/7U8K9VAhl4 pic.twitter.com/drO44q9qax
— Decider (@decider) November 12, 2015
Видео и фото: Twitter, TikTok, Getty Images