Брајан Адамс приреди неверојатен музички спектакл
Скопје дефинитивно доби уште концерт за паметење
Вчера, на 13 ноември, Скопје празнуваше со звуците на хитовите од светски познатиот музичар Брајан Адамс.
Преполната Арена А1 со громогласен аплауз го поздрави пејачот, кој го започна шоуто со зборовите:
„Здраво, јас сум Брајан. Ова е најдобрата македонска толпа што сум ја видел. Всушност ова е единствената македонска толпа што сум ја видел. Бидејќи првпат доаѓам во Македонија имам многу песни да ви испеам. Имате време? Јас имам 14 албуми ако имате време да ги слушате“, се пошегува пејачот.
Концертот почна со неколку песни од новиот албум на Адамс, меѓу кои и „Shine A Light“, по која е наречена и неговата светска турнеја.
Поврзани објави
Публиката на цел глас ги пееше популарните Everything I do (I do it for you), Please Forgive Me, Have You Ever Really Loved a Woman и шизеше на Summer of ’69, а Брајан Адамс порача сите да ги остават телефоните и да уживаат во шоуто.
Скопје дефинитивно доби уште концерт за паметење во организација на Авалон Продукција, кои најавија дека ова ќе биде последниот голем концерт годинава.
ФОТО: Горан Десковски