Многу луѓе ова однесување го доживуваат како знак дека кучето покажува искрен интерес и внимателно слуша.
Наведнувањето на главата кај кучињата е нормално однесување кое се појавува кај многу, но не кај сите кучиња. Иако постојат малку истражувања, тоа и понатаму нè интригира.
Едно објаснување е дека им помага подобро да го лоцираат звукот. Понекогаш, при нов или интересен звук, кучето ја наведнува главата од љубопитност. Истражувањата покажуваат дека кучињата всушност ја вртеаат главата за да се ориентираат кон звукот, зависно од тоа која страна од мозокот го обработува.
И видот може да има улога — наведнувањето им помага подобро да го видат изворот на звукот или лицето што зборува, особено кај кучиња со подолга муцка.
Дали е дел од размислување?
Една студија покажала дека кучиња што подобро учат зборови почесто ја наведнуваат главата кога слушаат познати команди или имиња на предмети. Можно е на тој начин да „поврзуваат“ збор со сеќавање и значење.
Поврзани објави
Исто така, ако добијат внимание или награда кога го прават тоа, кучињата го повторуваат однесувањето.
Кога да се загрижите?
Ако кучето постојано ја држи главата наведната без причина или тоа е придружено со губење рамнотежа, вртење во круг, повраќање или летаргија, можно е да се работи за здравствен проблем како инфекција на уво или вестибуларно нарушување. Во тој случај, потребен е ветеринар.
Ако вашето куче само љубопитно ја наведнува главата кога ви се обраќа — уживајте, тоа е еден од најслатките нивни гестови.
pexels-rajesh-s-balouria-1289088-12051681