Рационални, трудољубиви и одговорни: Каква е врската меѓу изборот на домашен миленик и вашиот карактер?

Дознајте повеќе

Според досегашните истражувања, луѓето што имаат домашни миленици се разликуваат карактерно

Општо мислење е дека сопствениците на кучиња се поопуштени и поотворени, а сопствениците на мачки се сосема поинакви, бидејќи тие животни важат за ладни и пресметливи. Меѓутоа, која е вистината?

Сопственици на куче

Луѓето што имаат куче се сметаат за поконзервативни од оние што чуваат мачки, но од друга страна, тие се поекстровертни. Поотворени се и повеќе сакаат продуктивно да го искористат денот отколку да филозофираат за мали нешта и да плачат за ситници. Сопствениците на куче побрзо ги прифаќаат новите технологии од сопствениците на други миленици. Имаат самодоверба, упорни се, проактивни, енергични и отворени.

Сопственици на мачка

Важат за полиберални, но и поневротични од сопствениците на куче и уживаат во сарказам и игри со зборови. Полесно поднесуваат стрес и поинтровертни се за разлика од сопствениците на куче. Сакаат да поминуваат време сами и сами да работат на проекти наместо во тим. Им треба време за да ги прифатат новите технологии. Сопствениците на мачки почесто имаат подобри резултати на тестовите за интелигенција.

Сопственици на риби

Луѓето што се одлучуваат за риби како домашни миленици се задоволни индивидуалци. Тие се посмирени и емотивно постабилни од сопствениците на други домашни миленици.

Сопственици на морски прасиња и хамстери

Луѓето што дома чуваат морско прасе и слични глодачи, генерално се интровертни и потешко се справуваат со стресот одошто изгледа.

Сопственици на желки

Тие се рационални, трудољубиви, одговорни и ориентирани се на своите цели – ова се само некои од епитетите со кои може да се опишат сопствениците на желки.

Сопственици на коњи

Сопствениците на коњи се поодлучни и попроактивни од сопствениците на други животни. Тие се топли и грижливи. Ако имате коњ мажјак, склони сте на агресија и доминација, а ако имате женка, поопуштени сте.

Сопственици на птици

Луѓето што имаат птици важат за многу грижливи и пристојни.

Дали размислувате да вдомите куче? Еве што треба да знаете
Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.