Никој не може да му одолее на ова куче: Ова е најпопуларната раса на светот!
Најверниот пријател
Не се вели залудно дека кучето е најдобриот пријател на човекот
Врската помеѓу кучето и човекот трае повеќе од 40.000 години и кучето било првото животно што човекот го припитомил. Денес, постојат повеќе од 300 кучешки раси, а едно куче го држи првото место како најпопуларно.
Лабрадорот ретривер е најпопуларното куче на светот, а дури и оние што не се толку слаби на кучиња се разнежуваат кога ќе го здогледаат овој убавец. Кучето е одгледувано за физичка работа, односно за собирање предмети во вода, а освен тоа, заедно со златните ретривери најчесто се користат за тераписки цели како кучиња водичи и кучиња трагачи.
Овие прекрасни кучиња се стабилни, топли и пријателски настроени, многу смирувачки дејствуваат на човекот, многу се лојални, интелигентни и лесни за тренирање. Најсреќни се кога се во друштво на човек и вистински пример се за тврдењето дека кучето е единственото суштество што ќе ве сака повеќе одошто се сака себеси.
Славно е и по својата интелигенција, приврзаност, емпатија, трпение и префинетост, поради што е идеален домашен миленик за семејство со деца.
Лабрадорите ретривери се самоуки кучиња – го набљудуваат однесувањето на луѓето и го имитираат. И покрај тоа што се навистина големи (во висина растат до 55 см, а тежат од 30 до 45 кг), среќни се и во помали домови, но треба редовно да ги шетате.
За припадниците на овие кучиња полни со љубов никој не е странец. Пријателски расположени се кон сите, а ентузијастични се за активности како пливање, фаќање топче, помагање на луѓе со телесни потешкотии и за запознавање нови кучешки пријатели.
Листа на десет најпопуларни кучешки раси во светот:
1. Лабрадор ретривер
2. Германски овчар
Поврзани објави
3. Златен ретривер
4. Булдог
5. Бигл
6. Пудла
7. Француски булдог
8. Боксер
9. Јоркширски териер
10. Ротвајлер