Мало куче со лавовско срце: Ова е најслаткиот и најмилиот домашен миленик на светот!
Домашни миленици
Многу интелигентно куче кое обожава деца
Ако барате куче кое е секогаш расположено за игра, темпераментно, интелигентно и обожава деца, расата ши цу е токму за вас!
Името го добило по кинеската кралица Цу Хис, а бил нарекуван кралски пес. Неговото име преведено на македонски значи лавовско куче. Легендата вели дека Буда секогаш имал со себе мало куче ши-цу, кое кога било потребно можел да се преобрази во познатиот Лајмански лав.
Ши-цу потекнува од Тибет од 17 век, но се развиле и најмногу се одгледувале во Кина, каде што станале ценети кралски кучиња. Познатата династија на владетели Минг исклучително ја ценела оваа раса и вложувала во неа. Кон средината на 19 век, оваа раса се проширила и на други краишта во светот.
Изглед
Просечната висина на ова куче е околу 26 см, а може да живее во просек од 11 и 14 години. Поради специфичниот изглед и долгото влакно, станал омилено куче на многумина. Може да биде во речиси сите бои.
Карактеристики
Оваа раса е исклучително дружељубива и мила. Многу се разиграни и обожаваат деца, но и друштво на други кучиња. Лесно прифаќаат непознати луѓе, па се сметаат за лоши чувари.
Иако се мали, многу се храбри и не се плашат ни од поголеми кучиња, а често умеат да бидат и своеглави. Сакаат да бидат во центарот на вниманието, па ќе мора да издвоите многу време за да си играте со нив. Ши-цу никако не сакаат да бидат сами.
Исто така, знаат да бидат и љубоморни, ако почувствуваат дека им се подарува внимание на други, а не ним. Не се агресивни кон луѓето, додека кон други животни знаат да покажат знаци на агресија ако почувствуваат дека се загрозени.
Многу се активни и бараат постојана физичка активност, но се исклучиво домашни кучиња.
Одржување на влакното
Влакната им паѓаат, па затоа не се погодни за луѓе кои се склони на алергии. Бараат постојано четкање и потстрижување барем еднаш во 2 месеца.