10 најдобри кучиња чувари: Многу се мили, додека не им ги допреш сопственикот, децата или домот!
Ќе ве чуваат од сè и од сешто
Лојални и верни на семејството до крај
Одредени раси на кучиња се ценети и добро познати по својот заштитнички карактер, кој најмногу до израз доаѓа кога го чуваат својот дом и семејство.
Ако сакате покрај себе да имате лојален и бестрашен животен сопатник, кој ќе може да го заштити и вашето семејство ако е потребно, следниве десет кучиња се непогрешлив избор! Само не заборавајте дека на овие лојални пријатели треба да им се обезбеди правилен тренинг за нивната заштитничка природа да не прерасне во агресија.
1. Германски овчар
View this post on Instagram
Ценети и добро познати како полициски и воени кучиња, германските овчари се големи чувари и кога станува збор за нивната човечка „глутница“. Одгледувани за чување овци, овие интелигентни кучиња имаат вроден заштитнички карактер и лојалност. Германските овчари обожаваат да бидат активни, но знаат и да се опуштат. Спротивно на општото мислење, добри се и со деца.
2. Ротвајлер
View this post on Instagram
Само еден поглед на моќната мускулатура на ротвајлерот ќе го избрка крадецот далеку од вашиот дом. Ротвајлерот му е лојален на своето семејство до крај и недоверлив е кон непознати додека ги запознае. Исто како германските овчари, и тие сакаат да бидат активни. Познати се по нивната територијална природа, поради што верно ќе го чуваат својот дом од непоканети гости.
3. Доберман
View this post on Instagram
Ако сакате најдобро куче чувар, паметниот, силен и атлетски граден доберман би можел да биде вистинскиот избор. По само неколку минути поминати со него, може да се забележи колку ова куче е интелигентно и активно. Многумина ги плаши и самиот изглед на доберманот, но со правилен тренинг, припадникот на една од најопасните раси, може да стане вашиот најлојален животен сопатник. Доберманите се познати и по својот долг животен век.
4. Булмастиф
View this post on Instagram
Станува збор за вкрстена раса на булдог и мастиф. Булмастифот е оригинално одгледува во Англија за пронаоѓање и соборување крадци. Ако крадец успее да влезе во домот, ќе се сретне со масивно, моќно куче кое ќе го собори на подот и нема да му дозволи да стане додека не стигне помош. Булмастифите се познато како исклучително паметни, храбри и бестрашно лојални кучиња.
5. Американски стафордски териер
View this post on Instagram
Поврзани објави
Можеби изгледа по малку набиено и тромо, но стафордот има огромна сила и жар да го одбрани своето семејство кога е потребно. Освен тоа, американските стафордски териери во минатото биле познати како кучиња дадилки за мали деца. Еднаш кога ќе се врзе за човек, стафордот без сомнеж ќе го сака до крајот на животот и тој човек ќе биде центар на неговиот свет.
6. Кувас
View this post on Instagram
Поради свои бели, долги влакна, ова куче може да изгледа потполно мирно и безопасно, но величествениот кувас се издвојува со својата одлучност и исклучително заштитничкиот и територијален карактер. Кувасот бил одгледуван за бркање животински предатори, како волци и мечки, па не е ни чудо што овој пес е толку силен и бестрашен. Со правилна грижа, кувасот ќе ја покаже и другата страна на својата природа – слатка и опуштена.
7. Акита
View this post on Instagram
Ова е едно од кучињата што не се препорачува за луѓе кои немале претходно куче. Акитата е тивок, но многу заштитнички настроено куче. Многу е силен и треба да се биде внимателен кога е во близина на деца. Најдобро е да се земе акита како кученце и веднаш да се почне со тренинг за послушност. Ова јапонско куче одгледувано за лов е специфично и по тоа што дома знае да биде тивко и незабележливо, а надвор исклучително пријателски расположено, но и претпазливо.
8. Џиновски шнауцер
View this post on Instagram
Доминантно и приврзано куче, големиот шнауцер е куче со огромна енергија кое обожава човечко друштво и брзо ќе се ангажира ако треба да го заштити своето семејство. Сопственикот на ова куче мора да му овозможи на својот миленик голема физичка и ментална стимулација, за да не му биде здодевно и за да не стане деструктивно.
9. Родезиски риџбек (ловец на лавови)
View this post on Instagram
Оригинално одгледуван како бестрашен ловец на лавови, родезискиот риџбек е многу интелигентен и нежен џин кога е со своето семејство, а станува лојален заштитник ако му се заканува опасност. Родезискиот ловец на лавови е исклучително добар со деца – во Африка ова куче било одгледувано за да ги чува и штити децата додека родителите не се тука.
10. Бордер коли (шкотски граничарски ловец)
View this post on Instagram
Најславниот коли на светот е Леси од истоимениот филм, а сите знаеме каква лојалност покажа во тој класик. Коли е куче со мирен карактер, кое ретко покажува знаци на агресија, освен кога ќе почувствува дека на неговото семејство му треба заштита. Познато е и како едно од најинтелигентните кучиња на светот, кое лесно се тренира. Покрај тоа, припадниците на оваа прекрасна и пријателски настроена раса, добро се согласуваат со деца.