Студија од Универзитетот Харвард, на која експертите работат повеќе од 30 години, успеа да утврди пет приоритети што треба да се воведат во секојдневниот живот, доколку сакате да живеете што е можно поздраво и да го продолжите животот до десет години.
Оваа студија ја нагласува важноста од следење на здрави животни навики за долговечност.
„Сепак, малку луѓе имаат здрави животни навики и затоа државите треба да охрабрат програми за здрава исхрана и да изградат социјална средина за поддршка и промовирање на здрава храна и начин на живот“, рече Френк Ху, претседател на Харвардската дивизија за храна и автор на студијата на која работел повеќе од 30 години.
Тие сакаа да откријат кои навики и приоритети треба да се воведат во секојдневен живот со цел да го подобрат и зачуваат здравјето и да го продолжат животот до 10 години.
Консумирањето здрава храна полна со овошје, зеленчук и здрави протеини е од витално значење за одржување на целокупниот здрав начин на живот, забележуваат тие, но тоа не значи дека постои единствен пристап кон добра исхрана.
Постојат состојки кои се лоши за секого, како шеќер, но некои луѓе можат да толерираат повеќе шеќер од другите.
Поврзани објави
Некои луѓе, на пример, треба да јадат мрсна храна затоа што имаат потреба од дебелеење. Проблемот е кога храната се рекламира како здрава, иако нема шанси повеќето нутриционисти да ја сметаат за здрава.
Движењето е исто така многу важно. Без разлика дали одите на лесни прошетки навечер или го вежбате целото тело секојдневно, дневното движење е клучно за да се чувствувате и да изгледате најдобро.
„Домашниот тренинг е клучен. И додека работите од дома, треба да биде уште полесно да се храните здраво, бидејќи имате пристап до вашата кујна кога сакате. Искористете ја можноста да јадете дома и да готвите хранливи оброци“, рече експертот за продуктивност Саманта Ворен.
Според оваа студија од Харвард, контролата на телесната тежина значително го намалува ризикот од дијабетес, кардиоваскуларни фактори на ризик и рак на дојка. Ова не значи дека треба веднаш да го изгубите секој вишок килограм, туку да одржувате тежина со која ќе се чувствувате пријатно.
Редовното консумирање алкохол и цигари исто така не му служи на вашето тело, повторуваат експертите. Иако повремената чаша црвено вино не штети, студијата препорачува ограничување на внесот на алкохол на една чаша вино на ден за жените и до две чаши вино за мажите.