Смртоносно трио: Овие 3 работи се најчестите причини за рана смрт!

Внимавајте!

Во истражувањето учествувале неколку работници што биле следени речиси 18 години

Стресот на работа, лошиот сон и високиот крвен притисок може да бидат рецепт за рана смрт, известуваат германските истражувачи.

Во истражувањето учествувале неколку работници со висок крвен притисок кои биле следени речиси 18 години, а оние што изјавиле дека имаат стресна работа и лош сон се изложени на три пати поголема веројатност дека ќе умрат од срцеви болести за разлика од оние кои добро спиеле и кои немале проблеми на работа, откриле истражувачите.

„Дури 50% од возрасните имаат висок крвен притисок. Тоа е главниот фактор за ризик од срцев удар, мозочен удар, застој на срцето, болести на бубрезите и прерана кардиоваскуларна смрт. Бројни истражувања откриле поврзаност помеѓу зголемениот стрес на работа и подоцнежниот ризик од кардиоваскуларни заболувања. Нарушувањата на сонот исто така се поврзани со зголемен ризик“, изјавил доктор Грег Фонарои, професор по кардиологија.

Во новото истражување, истражувачите дошле до заклучок дека меѓу луѓето со хипертензија, оние кои имале стрес на работа имале два пати поголем ризик од умирање од кардиоваскуларни болести, како и оние кои изјавиле дека имаат само лош сон. Според авторот на истражувањето, доктор Карл Хајнц Ладвиг, спиењето би требало да биде време за одмор и враќање на енергијата. Доколку имате стрес на работа, сонот ви помага да заздравите.

„За жал, лошиот сон и стресот на работа често одат рака под рака, а во комбинација со хипертензија, ефектите се уште попогубни“, додал докторот во изјавата.

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.