Овие шест намирници можат да го забрзаат процесот на стареење: Намалете ги на минимум

Секоја промена започнува со исхраната. Ние често го занемаруваме влијанието на нашиот избор на храна врз нашето здравје.

Се разбира, не можеме да го запреме стареењето, но можеме да го забавиме. Меѓутоа, ако со години се храниме лошо, тоа неизбежно ќе го забрза процесот на стареење.

Експертите наведуваат шест намирници кои треба да ги избегнувате колку што е можно повеќе:

Помфрит

Гладот ​​и желбата за сол често ги задоволуваме со пржени компири, но вака приготвената храна, со додавање на сол, негативно влијае на кожата. Храната која се пржи во масло на високи температури ослободува слободни радикали кои сериозно ги оштетуваат клетките и секако ги забрзуваат првите знаци на стареење.

Чипс

„Потрошувачката на транс масни киселини го стимулира интерлеукин 6 во телото“, објаснува Лиза Хаџим, основач на “The WellNecessities”, додавајќи: „Интерлеукин 6 е маркер на воспаление кое е поврзано со стареењето. Покрај тоа, пржената храна може да го ослабне клеточното дишење и да ги намали имунолошките функции во телото. Ако сакате нешто крцкаво, пробајте крекери од цели зрна или сецкан зеленчук како тиквички или стапчиња од целер“.

Млечни производи

Млечните производи навистина некому можат да предизвикаат проблеми. Научниците потврдија дека млекото може да доведе до појава на акни, но и до појава на брчки на лицето. За некои, млечните производи влијаат на воспалението во телото, додека за други се во ред. Се зависи од личноста.

Готови и замрзнати оброци

Замрзнатите оброци често се богати со натриум. Натриумот придонесува за задржување на водата и целокупното опуштање и остарениот изглед.

Слатки

„Преработениот шеќер може да доведе до отпорност на инсулин и зголемување на телесната тежина. Освен тоа, прекумерното внесување на слатки може негативно да влијае на здравјето на забите, а едно е сигурно, ништо нема да ве старее побрзо од расипани заби“, вели нутриционистот Орлик Леви.

Алкохол

Една повремена чаша вино не боли, но пиењето премногу алкохол, особено слатки пијалоци, предизвикува слободни радикали. Алкохолот му го одзема витаминот А од телото, антиоксиданс кој е неопходен за обновување на клетките.

Затоа, ако конзумирате алкохол, посегнете по пијалоци без додадени шеќери, како што е виното. Исто така, погрижете се да консумирате алкохол во умерени количини и да пиете доволно вода.