Ова се вистините и заблудите за водата што мора да ги знаете: Еве колку вода всушност би требало да внесувате во организмот!

Налевањето со вода може да биде штетно

Нашето тело е сочинето од 60 отсто вода, што кај возрасни лица подразбира околу 40 литри

Две третини од водата се наоѓаат во нашите клетки, а остатокот во вонклеточниот простор. Најважните состојки на тој екстерен простор се натриум и хлор, додека во самите клетки доминира калиум.

Овие значајни електролити имаат совршен механизам на влез, обработка и излез од телото кај здравите лица, па тие не мораат да се грижат околу внесувањето на оваа драгоцена течност во организмот. Поголемиот дел од водата го обработуваат нашите бубрези и остатокот се исфрла, во најголем дел преку урината.

Водата од организмот се излачува на три начина: преку урината, столицата и потењето.

Она што е важно да се нагласи е дека водата ја има и во цврстата храна и таквиот начин на внесување вода е многу значаен бидејќи претставува околу 1100 мл, додека еден дел од водата телото самото го создава – околу 280 мл.

Покрај цврстата храна, внесувањето вода преку течности би требало да изнесува околу 1200 мл дневно. Од ова можеме да заклучиме дека односот меѓу внесувањето течности и вода од цврста храна е многу избалансиран и со самото тоа еднакво важен. Сите помали отстапувања од едниот или другиот начин на внесување, можат да се надоместат со испивање дополнителни чаша или две вода, во зависност од потребата и активностите тој ден.

Дали можеме да претераме со внесувањето вода во организмот?

Да, можеме. Се советува да се пијат литри и литри вода дневно и „што повеќе течности тоа подобро“, но тоа е погрешно и може да доведе до тоа течноста да почне да се насобира во меѓуклеточниот простор, а исто така може да ги оптовари и бубрезите, кои не се во состојба да ја обработат таа количина на вода, а со самото тоа и сите други органи во системот.

Секако, за време на големи горештини, како сега, невозможно е да не се пие повеќе вода и тоа е и пожелно за да не дехидрира организмот, а совршен аларм на организмот дека е пред дехидратација е жедта, која ве предупредува дека на организмот полека му снемува вода.

И не, не е точно дека кога ќе почувствувате жед веќе е доцна да испиете вода, бидејќи веќе сте дехидрирале. Можеби би било попаметно да го направите тоа порано, но секако треба да го направите тоа и тогаш, кога ќе почувствувате жед.

Ова се основните показатели што ќе ви кажат дали вашето тело е доволно хидрирано:

  • Немате напади на жед.
  • Редовно мокрите, без непријатен мирис или темна боја на урината.
  • Немате констипација проследена со цврста столица.
  • Бојата на кожата ви е нормална и вообичаена.
  • Не сте склони на главоболки.

Па така, налевањето со литри вода не ви е потребно. Напротив, тоа е контрапродуктивно и може да биде штетно за организмот. Она што ви треба е балансирано внесување вода.

Важно е да се напомене дека во таа смисла ништо не може да ја замени водата. Киселата вода, газираните сокови, овошните сокови, алкохолните пијалаци и големите количини овошје не само што нема да ви ја згаснат жедта, туку со нив ќе внесете и голема количина на шеќер во организмот, кој ќе произведе дополнителна жед, а во организмот ќе внесете многу повеќе калории.

Иако е добра навика, можете да претерате: Ова се знаци дека внесувате премногу вода
loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време