Знаци кои покажуваат дека имате сериозен проблем со анксиозност

Обрнете внимание

Во последните неколку години, анксиозноста, како предмет на студија, се појави во бројни текстови, научни трудови и објави на социјалните мрежи.

Луѓето се отвораат, зборуваат за сопствените проблеми и искуства кога станува збор за ментални нарушувања, а анксиозноста е на врвот на скалата на темите за ментално здравје. Но, анксиозноста, како и другите термини за ментално здравје, често се користат во погрешен контекст. На овој начин, се создаваат погрешни претпоставки и заклучоци и многу луѓе се прашуваат – што точно е оваа анксиозност, кој страда од тоа и кога станува сериозен проблем и закана за менталното и физичкото здравје на една личност.

Што е ансиозност, зошто се јавува и кога станува проблем?

Анксиозноста може да се дефинира како чувство на општа напнатост, голем страв и честопати ирационален страв и вознемиреност. Додека стравот е примарна емоција што се јавува како одговор на непосредно препознатлива надворешна опасност, анскиозноста е емоционална состојба на непријатност и нервоза, која нема толку јасни и видливи причини. Одреден степен на анксиозност е нормален и се јавува како реакција на нови искуства и работи како првиот ден на работа, важен испит и слично. Но, ако ја надмине нормалната граница, анксиозноста доведува до дисфункција и непотребно страдање и, во тој случај, се смета за нарушување. Подолу ќе најдете осум знаци кои укажуваат на тоа дека анксиозноста станала проблем и многу веројатно прераснала во нарушување.

  • Хронична грижа за работи и настани кои веројатно нема да се случат – ирационални стравови, хронична грижа за сценарија што сами сте ги дизајнирале и предвиделе, се голем знак дека ви треба помош. На пример, ако постојано мислите дека ќе добиете отказ или дека вашите пријатели или партнери ќе ве напуштат, иако немате основа за такво размислување, имате проблем со анксиозност.
  • Физички симптоми кои ви пречат во секојдневниот живот – болки во стомакот, напнатост во стомакот, чувство на тежина во градите, неможност за дишење нормално – се само некои од физичките симптоми што треба да исчезнат по нормален степен на анксиозност. Но, ако овие симптоми се појавуваат постојано и траат долго време, треба да се консултирате со професионалец.
  • Проблеми со концентрација – со анксиозно растројство, често постои неможност да се фокусирате на наједноставните работи и дневните обврски што некогаш сте ги извршувале без проблеми. Причината за ова е голема загриженост, поради што не можете да го тргнете фокусот од она што ви е присутно.
  • Проблеми со спиењето – несоница, кошмари и испрекинати соништа се само некои од знаците што анксиозноста може да ги има на вашиот сон.
  • Зголемена негативност и раздразливост – луѓето кои имаат зголемена анксиозност често се лути на целиот свет и гледаат на работите од негативен агол. Работите што некогаш не претставувале проблем за нив, тогаш стануваат страшно иритирачки за нив и може да се најдат себеси гледајќи се во исклучително лошо светло.
  • Проблеми на работа или на училиште – имајќи предвид дека многу анксиозни луѓе имаат проблем со концентрацијата, логично е дека ова ќе им пречи на работа и обврски на училиште и факултет. Следствено, нивните резултати ќе бидат многу пониски отколку порано.
  • Проблеми во врската – покрај проблеми со обврски и работа, анксиозните луѓе ќе имаат проблеми со луѓе и врски за кои всушност се грижат, но кои едноставно не можат да ги одржуваат поради нивната состојба.
  • Чувство на беспомошност и недостаток на контрола – Луѓето кои имаат проблем со анксиозност честопати е тешко да објаснат што им се случува и како се чувствуваат. Тие ќе имаат чувство дека се гушат во наплив на негативни емоции и дека немаат моќ над себе.

Прочитајте и: Дознајте како јогата може да ви помогне да излечите траума и болни искуства

 

ФОТО: Getty Images

 

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време