Ако имате постојана потреба да ги одржувате нозете во движење, може да страдате од синдром на немирни нозе. Еве ги можните причини, како да се идентификува проблемот и како може да се ублажи.
Ова не е проблем што го загрозува вашиот живот, но може негативно да влијае на спиењето затоа што најчесто се појавува ноќе, па затоа често се вклучува во нарушувања на спиењето. Се јавува поради неколку различни типови сензации во нозете, како што се болка, чешање, горење, грчеви и чувство на ползење.
Со движење на нозете, човек се ослободува од тоа чувство.
Овие чувства честопати се влошуваат само пред спиење, што може да создаде проблеми со спиењето – од неможност да заспиете до будење во текот на ноќта.
Според американскиот Национален институт за невролошки нарушувања и мозочен удар или слични болести, дури 10 проценти од Американците страдаат од синдром на немирни нозе. Агенцијата тврди дека тоа го имаат околу два до три проценти од возрасните, што е околу пет милиони Американци. Но, тоа исто така може да влијае на децата. Се проценува дека околу еден милион деца на училишна возраст во САД страдаат од овој синдром.
Која е причината и дали е наследно?
Експертите не ја знаат точната причина за синдромот на немирни нозе. Сепак, лекарите се сомневаат дека тоа е наследно и дека поверојатно е да го имате ако има некој во семејството кој страда од синдромот. Според некои проценки, скоро 50 проценти од луѓето со синдром на немирни нозе имаат роднини кои страдале од тоа.
Кои се другите фактори на ризик?
Поврзани објави
Некои хронични заболувања, вклучувајќи дијабетес, периферна невропатија, откажување на бубрезите и недостаток на железо, исто така може да бидат одговорни за развој на синдром на немирни нозе. Некои бремени жени, исто така, го имаат овој синдром во текот на последниот триместар, но тоа се повлекува по породувањето. И некои лекови, како што се антихистаминици и антидепресиви, можат да го предизвикаат тоа.
Дали може да се влоши?
Овие болести не само што го предизвикуваат овој синдром, туку можат да го влошат. Експертите велат дека прекумерното внесување алкохол исто така може да ги влоши знаците и симптомите на синдром на немирни нозе. И недостатокот на сон се смета за нешто што може негативно да влијае на синдромот на немирни нозе, така што доколку го имате тој проблем, проверете дали доволно спиете.
Дали може да се лечи и како?
Вашиот лекар ќе провери дали постои болест која е причината и ја третира за да го ублажи синдромот на немирни нозе. Исто така, постојат голем број на природни лекови: јога, топли бањи, масажи, употреба на перници за загревање на стапалата и / или ладење, и се препорачува да се откажете од пушењето и алкохолот.
Прочитајте и: Регенерирајте го организмот по инфекција
ФОТО: Getty Images