Можни причини за крварење по секс
Постојат неколку причини зошто крварењето се јавува по сексуален однос, прочитајте кои се тие.
Она што ниедна жена навистина не сака да го види на чаршавите кога е гола е крв. Крварењето по сексуален однос може да биде крајно загрижувачко, но не мора да биде причина веднаш да полудите затоа што има и одредени причини за тоа.
Мала количина на крв е нормална и во ред е ако се случи еднаш или ретко – вели д-р Никол Махнерт. Меѓутоа, ако ова се случува постојано, задолжително консултирајте се со вашиот лекар или гинеколог за да утврдите кој е точно проблемот.
Можни причини за крварење по секс
Контрацептивна употреба: Секаков вид на хормонска терапија може да доведе до појава на крв после сексуален однос, особено на почетокот на употребата кога на телото му треба време да се прилагоди. Хормонските терапии можат да предизвикаат сушење на вагината, што резултира со крварење.
Сексуално преносливи инфекции: Исто така причина зошто може да се појави крварење, особено ако инфекциите се чести. Повеќето инфекции можат да бидат асимптоматски, па затоа е важно редовно да се проверува состојбата.
Поврзани објави
Сувост на вагината: Ако не сте доволно влажни за време на секс, постои можност да се појави крварење бидејќи тоа директно влијае на чувствителните вагинални ткива. Разгледајте опции како мазива и лубриканти, се разбира, сето тоа во консултација со вашиот лекар кој ќе ве советува на најдобар начин.
Бактериска инфекција: Може да резултира со крварење затоа што самата предизвикува воспаление и иритација. Покрај крварењето, инфекцијата се карактеризира со промена на бојата или мирисот, вагинален исцедок и чешање.
Во секој случај, не двоумете се да побарате помош и совет од лекар со цел најдобро да ги лекувате вашите гинеколошки проблеми, а редовните прегледи се од голема важност.
Прочитајте и: Олеснете ги менструалните болки без аналгетици
ФОТО: Unsplash