Кога ќе прочитате што прават АДАПТОГЕНИТЕ за вашиот организам, ВЕДНАШ ќе ги вклучите во исхраната

Во аптеките и во продавниците за здрава храна сè повеќе се среќаваат билни додатоци во исхраната – како женшен, тулси, ашваганда, родиола, лековити печурки… Во минатото, правот од овие билки го користеле исклучиво избрани лекари на народната медицина, а денес се познати како адаптогени и се додаваат во чај или во смуди.

Експертите ветуваат дека адаптогените го подобруваат нашиот имунолошки систем, помагаат во борбата со стресот, ги подобруваат концентрацијата и издржливоста, ни даваат дополнителна енергија и смируваат пред спиење. Но како да ги користиме?

Зошто ни се потребни адаптогени? Адаптогените спаѓаат во единствена група билни препарати, која вклучува билки, корени и печурки способни да се „адаптираат“, односно да го приспособат своето дејство според специфичните потреби на нашиот организам. Иако поимот адаптогени е релативно нов (се појави во 1947 година), овие билки со векови се користат во дневното практикување на индиската ајуверда, кинеската медицина и другите традиционални култури.

Во медицината го вовел професорот Николај Лазарев, истакнат руски научник, кој открил дека некои билки ја зголемуваат отпорноста на човековиот организам на неповолните фактори од хемиска, физичка и биолошка природа.

Кои билки се сметаат за адаптогени? За да се смета за адаптоген, лековитата билка треба да одговара на следниве критериуми:

* да биде безбедна за здравјето, односно да нема отровно дејство врз организмот и да може да се зема во помали дози подолг временски период;

* да ја зголемува отпорноста на организмот на стрес;

* да воспоставува рамнотежа на хормонскиот систем, односно да ја нормализира функцијата на целиот организам.

Што, всушност, прават адаптогените во нашиот организам? Денес феноменот адаптогени е добро испитан. Во текот на последниве години се појавија повеќе истражувања што ги потврдуваат нивните бенефиции: способноста да го намалат нивото на кортизол во крвта, да ги обновуваат мозочните клетки, да ги намалат анксиозноста и уморот, да спречат развој на тумори, да штитат од зрачење…

Адаптогените функционираат како термостат. Кога термостатот ќе почувствува дека е премногу топло во просторијата, ја намалува температурата, и обратно. Адаптогените имаат способност да ве смират и истовремено да ви ја подигнат енергијата. Тие им овозможуваат на клетките поефикасно да го искористат кислородот. Поддржувајќи ја функцијата на надбубрежната жлезда, адаптогените ги ублажуваат последиците од стресот врз организмот и ја нормализираат нарушената рамнотежа во него“, објаснува д-р Франк Липман, еден од водечките стручњаци на функционалната медицина.

Медитација, јога и зелено смуди се одлични во борбата против стресот. Сепак, според моето мислење, адаптогените се најефикасен и најбрз начин за тоа“, смета Кимберли Сајдер, диетолог.

Како се употребуваат адаптогените? Земајќи предвид дека не предизвикуваат зависност и не се отровни, можете да ги консумирате секој ден, но важно е да бидат во пропишани дози и облик. Не земајте повеќе од 2-3 грама на ден, што е еднакво на половина лажиче прав.

Адаптогените се додаваат во чај или во смуди, не се препорачуваат за бремени жени и за доилки, а на почетокот од нивната примена, треба да се посвети внимание на сопствениот впечаток, т.е. дали ви годи примената на адаптогени.

Само на тој начин ќе дознаете што ви одговара, а што не. На пример, ако по доза женшен имате иста реакција како и по филџан еспресо (покачен притисок, забрзан пулс и срцебиење), значи дека овој адаптоген не ви одговара. За поголема ефикасност, експертите советуваат одвреме-навреме да ги замените и да правите пократки паузи меѓу терапиите.

Препаратите врз база на адаптогените се исклучително корисна група природни лекови, особено доколку сме изложени на стрес и на големи психофизички напори. Но важно е да запаметите дека овие билки можат да донесат полза само ако се дел од севкупен здрав начин на живот, како додаток во урамнотежена исхрана, физичка активност и ментална рамнотежа.

Десет најпопуларни адаптогени

Иако адаптогените го приспособуваат своето дејство според потребите на организмот, секоја билка има свои специфични карактеристики и оригинален ефект.

Текстот продолжувана следната страница…