Борбата со инвазијата од глисти мора да биде комплексна и да се состои од два правца: земање антипаразитска терапија и држење диета. Имено, со правилна исхрана ќе го зајакнете ефектот на лековите.
ПРАВИЛА
- Од исхраната комплетно исфрлете ги шеќерот, неговите замени и сите слатки. Смеете да консумирате само мед, но најмногу лажиче-две дневно.
- Пијте повеќе превриена вода.
- Откажете се од брза, мрсна, пржена, чадена и конзервирана храна, со хемиски бои. Намирниците обарувајте ги, варете ги на пареа или печете ги.
ДОЗВОЛЕНО
Кисело-млечни производи без додатоци и шеќер, масло (маслиново) или путер, свежа риба, мешунки, салати од зеленчук, печен или варен компир, благи супи од зеленчук, семки и јаткасти плодови, коктели од зрнесто овошје, свежо цедени сокови од зеленчук (особено е корисен сокот од цвекло), кисело овошје, немрсни видови месо, зелен чај, јаболков оцет, синап, ѓумбир.
ЗАБРАНЕТО
Мрсно месо, сол, млеко и слатки млечни производи (овошен јогурт, коктели, сладолед), суво и слатко овошје, леб и печива, ’ржано и пченично брашно, ориз, тестенини, алкохол, кафе.
КЛУЧНИ ДВЕ НЕДЕЛИ ПО ЛЕКУВАЊЕТО…
- Забранетите производи воведувајте ги постепено, трудејќи се да се држите до принципот на поделена исхрана (односот на јаглехидратите, мастите и протеините).
- Пијте најмалку литар и пол – два литра течност дневно.
- Не користете замрзнати полуготови производи, туку од свежи намирници правете јадења на пареа, варете ги или печете ги.
- Откажете се од алкохол.
- Не брзајте да ги воведете шеќерот, белиот ориз и пченичното брашно во исхраната.
- Јадете повеќе зелениште, кисели зрнести плодови (на пр. брусница, капина), интегрален леб, зеленчук, трици и житарки, кои се богати со целулоза и спречуваат запек. Пијте природни овошни сокови, коктели и компоти.
Извор: Руски доктор