Главоболката не ви дава мир: Ослободете се од болката со помош на овие 4 техники

Решение за главоболка

Масажата на главата е една од најстарите терапии за лечење мигрена и обични главоболки, а најдобро дејствува ако се примени веднаш по почетните симптоми

Без разлика дали се масирате сами или некој друг го прави тоа, најважно е да се ориентирате на местото каде што почнува болката и со разни движења да покренете циркулација, за да се намали главоболката.

Масажа на вратот и крвните садови

На ова место, главоболката најчесто се јавува поради неправилно држење и стеснување на крвните садови. Иако можете сами да се измасирате, многу полесно е ако има некој да ви помогне.

Тргнете од дното на вратот со цврсти движења на прстите и движете сè до темето на главата, каде што треба да масирате со кружни движења.

Масажа во областа на слепоочниците

Иако главоболката обично се јавува малку над слепоочниците, масирањето на делот од главата што се наоѓа на самиот раб до косата може да биде многу корисно кај тензиските главоболки придружени со чувствителност на светлина. Движењата треба да бидат понежни, бавни и кружни.

Масажа за болка над очите

Најчести причинители на ваквиот вид болка се синусите, а ќе ја ублажите со притискање на точките околу носот и кај коренот на веѓите. Со оглед на тоа што оваа област е нежна, потребно е нежно да ги притискате јазлите кон надворешниот агол на окото.

Главоболка на челото

Ако болката се шири на самото чело, може да се намали со рамни движења и повлекувања на прстите од веѓите кон врвот на челото.

Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време