Една праска дневно за подобро здравје: Сочно овошје полно со лековити својства
Овошје што лекува
Праската е одличен прочистувач на цревата, придонесува за подобро варење, а истовремено е и добар лаксатив и диуретик
Праската е богата со шеќер, каротин, овошни киселини, протеини, скроб, минерални состојки, витамини А, Б, Ц и железо.
Поради сите нејзини придобивки, таа има широка примена во народната медицина.
Поради големата количини на растворливи растителни влакна, праската помага за подобро варење и одлична е за прочистување на цревата.
Токму тие влакна ги ослободуваат цревата од сите наталожени наслаги, па така организмот се ослободува од токсините, а се зголемува и можност за подобра ресорпција на хранливите материи.
Исто така, праската е одличен лаксатив и диуретик.
Изобилува со антиоксидантни материи, што ги прави извонредни заштитници од многу видови карцином и срцеви заболувања.
Праската е вистинска ризница на бета каротен.
Тука се и многуте витамини од групата Б, меѓу кои и фолацин (Б9), нијацин (Б3), но и витамините Ц, Е и биотин (витамин Х).
Луѓето што имаат проблем со отекување и слабокрвност треба да го консумираат ова овошје, додека сокот од праска им се препорачува на болните со срцева аритмија, намалено лачење на желудочна киселина и чувствителен нервен систем.
Единствено не им се препорачува на дијабетичарите.
Во светот, се’ повеќе се користи и маслото што се добива со ладно цедење на семките, а се покажало како одлично средство и за надворешна и за внатрешна употреба.
Кога се зема орално, дејствува како одличен лаксатив и го намалува холестеролот, додека во надворешна употреба постигнува извонредни резултати при лечењето егземи и заштита на кожата.
ФОТО: Pixabay