Самодовербата е она што навистина прави да блескате како филмска ѕвезда — без разлика на нијансата на вашите заби. Затоа, наместо агресивни третмани, сè повеќе луѓе се свртуваат кон природни методи и здрави секојдневни навики што постепено ја враќаат белината на насмевката.
Смејте се искрено и не кријте ја вашата насмевка. Доколку ве загрижува жолтеникавата нијанса на забите, постојат многу начини да ја подобрите, а првиот чекор може да биде токму природната нега.
Секојдневната грижа за забите директно придонесува за нивната белина, па затоа клучни се упорноста и трпението.
Индиски трик што со векови се користи за побели заби
Еден од најпознатите природни методи е таканареченото „oil pulling“ — традиционална индиска техника за подобрување на оралната хигиена.
Методот подразбира плакнење на устата со масло за да се отстранат бактериите што создаваат плак и жолти наслојки на забите.
Најчесто се користи:
- кокосово масло
Кокосовото масло е популарно бидејќи има пријатен вкус и содржи лауринска киселина, позната по своите антимикробни својства.
Некои истражувања покажуваат дека секојдневното плакнење со кокосово масло може да помогне во:
- намалување на бактериите во устата,
- намалување на плакот,
- подобрување на здравјето на непцата.
Како се прави?
- Ставете една лажица кокосово масло во устата.
- Полека „влечете“ го маслото низ забите.
- Правете го тоа 15 до 20 минути.
- Потоа исплукајте го во корпа, а не во мијалник, бидејќи може да се стврдне.
За разлика од агресивните препарати за избелување, овој метод не ја оштетува забната глеѓ и може безбедно да се практикува секој ден.
Паста од сода бикарбона што постепено ги избелува забите
Сода бикарбона одамна е позната како природен избелувач и честа состојка во комерцијалните пасти за заби.
Нејзината нежно-абразивна структура помага во отстранување на површинските дамки од забите, а истовремено создава алкална средина што го спречува размножувањето на бактериите.
Ова не е метод што дава резултати преку ноќ, но со време може да се забележи видлива разлика.
Рецепт:
- 1 лажичка сода бикарбона
- 2 лажички вода
Измешајте ги и измијте ги забите со добиената паста неколку пати неделно.
Внимателно со хидрогенот
Водороден пероксид е природно средство што убива бактерии и има ефект на избелување.
Поврзани објави
Токму затоа многу производи за белење на забите содржат пероксид, но во повисоки концентрации.
Сепак, стоматолозите предупредуваат дека со него мора да се биде внимателен.
Премногу силни концентрации или пречеста употреба може да предизвикаат:
- иритација на непцата,
- чувствителност на забите,
- оштетување на глеѓта.
За домашна употреба се препорачува раствор од 1,5% до 3%.
Како се користи?
Може да се користи како средство за плакнење на устата пред миење на забите.
Ако растворот е премногу јак, разредете го со вода во еднаков сооднос.
Како да спречите појава на дамки?
Со текот на годините забите природно ја губат белината, но многу навики можат дополнително да ја влошат состојбата.
Најголеми „непријатели“ на белата насмевка се:
- кафе,
- чај,
- црвено вино,
- газирани пијалаци,
- сосови од домати,
- темно овошје,
- цигари,
- прекумерен шеќер.
Тоа не значи дека мора целосно да ги избегнувате, но добро е:
- да ги консумирате умерено,
- да користите сламка за пијалаци што бојат,
- и да ја исплакнете устата со вода по консумирање.
Стоматолозите советуваат забите да не се мијат веднаш по кисела храна или пијалаци, туку да се почека околу 30 до 60 минути.
Храна што помага забите да останат бели
Храната богата со калциум помага во зајакнување на забната глеѓ и заштита од пожолтување.
Особено корисни се:
- млеко,
- сирење,
- брокула,
- јогурт.
Редовното миење на забите и користењето конец остануваат најважниот чекор за здрава и блескава насмевка.
Текст: Убавина и здравје
Фото: Freepik