Нутриционистите истакнуваат дека особено е важно да го вклучите ѓумбирот во секој домашен сок за јакнење на имунитетот
Во текот на зимата важно е максимално да го зајакнеме имунитетот за да ја пречекаме подготвени сезоната на вируси, настинки и грипови. Имунитетот најдобро се зајакнува со витамини, а најдобро е ако тие витамини се внесат преку храната.
Енергетскиот пијалак е најдобар кога ќе си го приготвиме сами, од свежи и домашни намирници, без додадени шеќери и адитиви.
Нутриционистите истакнуваат дека особено е важно ѓумбирот да се најде како една од главните состојки во вашиот домашен сок за зајакнување на имунитетот.
Ви предлагаме еден рецепт за здрав сок со многу витамини…
Состојки:
- 1/2 до 1 см корен од ѓумбир
- 4 исчистени моркови
- 2 портокали
- 1 лимон
Приготвување:
Поврзани објави
Излупете ги ѓумбирот, морковот и цитрусите, па сите состојки ставете ги во соковник, иситнете ги и напивката е готова. Ако ви пречат парчињата, можете да го процедите сокот низ чиста газа.
Сокот најдобро е да го консумирате свеж, но може да го чувате и во фрижидер неколку часа.
Зошто е добро да користите ѓумбир?
Ѓумбирот е богат со витамини Ц и Б6, со минерали како магнезиум, калиум и манган, а содржи и значајна количина на влакна, како и полифеноли.
Најважните биоактивни соединенија во него се џинџеролите, шогаолите и парадолите, кои потекнуваат од терпените и се заслужни за повеќето негови корисни својства.
Ѓумбирот може да помогне во зајакнувањето на имунолошкиот систем, така што го намалува ризикот од инфекции.
Лимонот и портокалот се богати со витамин Ц, а познато е дека тој е добар за имунитетот, додека морковот е богат со бета-каротен (што телото го претвора во витамин А), антиоксиданси и витамини (Ц, К и од групата Б).