Високата цена и убавото пакување не се важни: Како да препознаете дека маслиновото масло е со добар квалитет?

Совети од експерт

Пазарот на маслиново масло во светот е преплавен со фалсификати, а тешката задача за потрошувачите е да го препознаат квалитетот и да видат дали е навистина екстра девствено маслиново масло или само добра или лоша копија.

Теди Чиавалон од истрискиот град Водњан, кој одгледува маслинки и продава маслиново масло во 23 земји повеќе од две децении, вели дека речиси 90% од маслиновото масло на пазарот не е произведено на вистински начин, и дека не треба да се верува на етикетите.

„Не верувајте на ниту една етикета, ниту на еден производител, вклучувајќи ме и мене, туку себе си. Отворете го шишето, ставете малку масло во чашата, загрејте го, бидејќи на 27 Целзиусови степени, маслиновото масло почнува да испарува и можете да почувствувате малку подобри мириси и вкусови“, советува Чиавалон.

Она што треба да го почувствувате е – мирисот мора да биде зелен како свежо исечена трева и овошен, а вкусот зачинет и горчлив, забележува тој, толку што понекогаш кашлате, а понекогаш може да ви дојдат и солзи.

„Ако маслиновото масло е зелено, овошно, зачинето и горчливо, зборуваме за природно, неизменето масло добиено од маслиновото овошје, без разлика дали е произведено во Истра, Грција, Италија или Мароко, тоа воопшто не е важно“, рече Теди Чиавалон.

Покрај тоа, пржењето во маслиново масло не е канцерогено ако е вистинско маслиново масло, а  Чиавалон вели дека вистинското маслиново масло може да издржи високи температури, и дека помфритот може да се пржи во него без никакви проблеми, но дека е не е многу исплатливо.

Прочитајте и: Урми и здравје – пет причини да ги вклучите во вашата исхрана

 

ФОТО: Pexels

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.