Дознајте кои две промени во секојдневните навики можат значително да влијаат врз вашата телесна тежина
Научниците анализирале податоци од повеќе од 7.000 луѓе и дошле до интересно откритие: луѓето кои имаат подолго растојание помеѓу вечерата и појадокот, како и оние кои порано јадат во текот на денот, имаат понизок индекс на телесна маса.
Со други зборови, телото подобро реагира кога:
- вечерате порано
- појадувате порано
- и не јадете доцна навечер
Зошто времето на оброкот е толку важно?
Експертите објаснуваат дека клучот е во нашиот внатрешен часовник – таканаречениот циркадијален ритам. Кога јадеме во согласност со него, телото поефикасно согорува калории и полесно го регулира апетитот.
Ако оброците се поместат доцна во денот, организмот побавно троши енергија, што може да доведе до качување килограми.
Интересно е што прескокнувањето на појадокот не покажало исти резултати. Кај некои луѓе, особено мажи, оваа навика немала значајно влијание врз тежината.
Поврзани објави
Тоа значи дека не е доволно само да јадете помалку, важно е и како ќе ги распоредите оброците во текот на денот.
Што значи ова во пракса?
Ако сакате да ослабите или да ја одржите линијата, не морате веднаш да преоѓате на строги режими на исхрана.
Понекогаш доволно е:
- да ја поместите вечерата порано
- да одбегнувате грицкање доцна навечер
- и да го започнете денот со појадок во раните утрински часови
Ова истражување не ја докажува директната причина и последица, но јасно покажува дека малите промени во секојдневните навики може да имаат голем ефект на телесната тежина.
И можеби токму тоа е најдобрата вест: наместо строги диети, решението може да е многу поедноставно одошто мислиме.