Време е за шејк од тиква.
Тиквата, чудотворната есенска намирница која ги содржи витамините Б,Ц,Е и А, протеини, пектин, минералите калиум, калциум, железо и цинк, како значајниот внес на влакна кои се важни за здраво варење и слабеење.
Ви носиме рецепт за есенски шејк, напивка за слабеење, која покрај тиквата содржи и други квалитетни и здрави состојки, од кои посебно се издвојуваат спанаќот и циметот.
Спанаќот го намалува крвниот притисок, го зајакнува имунитетот, а истражувањата покажуваат и дека е корисен за контрола на апетитот и ги регулира желбите за нездрава храна. Циметот помага во симнување на лошиот холестерол и мастите во крвта, а одличен е и за забрзување на метаболизмот и процесот на слабеење.
Од наведените состојки и уште неколку намирници можете да направите одлична есенска напивка за слабеење. Консумирајте ја еднаш дневно за ужина наместо слатките задоволства и нездравите грицки. Ќе ви даде одлична енергија, ќе ви го подобри варењето и ќе ви го зајакне имунитетот – вашето тело ќе ви биде благодарно.
Состојки:
1 смрзната банана
½ шолја пире од тиква
1 рака спанаќ
¾ кокосово или бадемово млеко
½ лажица цимет
1 лажица мед
Приготвување:
Прво направете пире од тиква така што ќе испечете една или две парчиња тиква, а потоа испасирајте ја за да ја добиете таа смеса.
Потоа, додајте ги сите состојки во блендер, па измиксајте ги заедно. Можете да додадете и малку вода ако сакате да ја разредите напивката. Пијте ја еднаш дневно и уживајте во совршениот есенски шејк.
Коментарите се заклучени.