Брз и здрав режим на исхрана: Диета за луѓето кои се презафатени

Оваа диета во самиот назив ја открива дефинираната целна група за која е наменета. Ако работното време ви стои на патот да приготвувате комплицирани и здрави оброци и ви наметнува брз режим на исхрана, еве решение за вас!

Оваа диета е осмислена за да трае цела работна недела, а менито е прилагодено на канцелариски услови. Слободните денови за време на викендот се слободни денови и во диетата, и тогаш без ронка грижа на совест може да го изедете вашиот омилен колач. Времето на држење оваа диета не е ограничено и не може да ви наштети. Сами одберете дали ќе бидете на режим две недели или два месеца.

МЕНИ

Понеделник

Појадок: 1 банана и 2 киви

Ручек: тестенини со зеленчук, 70 грама тестенини, 50 грама прокељ, 50 грама брокули, 1 морков, 1 црвена пиперка

Вечера: 250 грама телешка шницла на скара и 300 грама шампињони динстани на вода

Вторник

Појадок: 2 децилитри сок од морков, 2 парчиња интегрален црн леб, 20 грама кравјо сирење

Ручек: 50 грама моркови, 50 грама грашок и 100 грама варени виршли

Вечера: сечкан зеленчук, 1 домат, 1 кромид, 1 тиквичка, 2 домати, кафена лажичка пармезан, исто толку маслиново масло

Среда

Појадок: 1 печиво, лажичка мармалад, незасладен чај

Ручек: салата од јаболка и компир

Вечера: 1 чинија супа, 200 грама филети ослиќ, 100 грама варени моркови

Четврток

Појадок: чаша сок од јагоди, 200 грама круши

Ручек: 1 печиво, 100 грама кисели краставички, 100 грама филети пилешки гради

Вечера: 100 грама варен интегрален ориз, 200 грама цвекло

Петок

Појадок: 250 грама ананас

Ручек: салата со јајца и зеленчук, 100 грама зелена пиперка, 50 грама грашок, 50 грама пченка, 1 домат и 1 варено јајце

Вечера: риба, 100 грама филети ослиќ со лимонов сок и бибер, 200 грама грашок

Овој режим е одличен поради разновидната исхрана. Програмата опфаќа доволно протеини, јаглехидрати, витамини и други хранливи состојки што му се потребни на организмот. Резултатот што се постигнува е долгорочен, а слободните викенди се одмор за организмот, но и психата.

Производите се компатибилно распоредени по оброците, така што едноставно се варат и ја забрзуваат работата на метаболизмот. Нема гладување, па лекарите ја сметаат за здрав начин на губење килограми.