Бикини-детокс: Тридневна програма за исхрана што симнува килограми и брише целулит!

Оваа диета вклучува богата хидратација, витамини и хранливи материи. Ќе ви донесе сјајна кожа, ќе ви помогне во борбата против задржување вода и ќе ви овозможи да изгубите килограми без чувство на глад.

Основни принципи на бикини-детокс

За да видите резултати од бикини-детоксот, треба да се придржувате до овој режим на исхрана најмалку три дена. Ако сакате да ослабите, продолжете ја детокс-диетата две или повеќе недели, под услов да немате здравствени проблеми.

За главните оброци во денот, одбирајте главно намирници од групата храна што е дозволена во детоксот и одбегнувајте ги целосно или значително намалете ги забранетите намирници. Покрај тоа, во својата програма додајте детокс-сокови и супи засновани на зеленчук што го хидрираат организмот и се борат против целулитот.

Совет

За кафе и алкохол нема место во детоксот. Но ако не можете да си го замислите својот ден без кафе, не откажувајте се од омилената напивка, бидејќи можно е да имате главоболка, мачнина и намалена енергија.

Што треба да јадете за време на детокс-бикини диетата?

Збогатете ја својата дневна исхрана со комбинација на следниве намирници:

• Свеж зеленчук: краставица, зелена салата, брокули, зелка, аспарагус, морков, грашок, кромид, артичоки, сладок компир, спанаќ и зачински билки.
• Свежо сезонско овошје.
• Семки и јаткасти плодови: солени и сирови ореви, бадеми, бразилски ореви, кикирики, семки од тиква, семки од сончоглед, сусам, чиа семе.
• Мешунки: леблебија, грав и леќа.
• Протеини: риба, пилешко месо, мисиркино месо, јајце, јагнешко месо.
• Пијалаци: растителен чај, зелен чај, растително млеко без додаден шеќер.
• Покрај тоа: морска сол во умерени количини, екстра девствено ладно маслиново масло, јаболков оцет, мед.

Што треба да одбегнувате?

Сѐ додека сте на диетата детокс-бикини, обидете се да ја одбегнувате или значително да ја намалите следнава храна. Потоа, постепено враќајте ја во исхраната, водејќи сметка да ја консумирате во мали количини, но не редовно.

• Протеини: говедско, свинско месо, школки.
• Млечни производи: млеко, јогурт, сирење и путер.
• Шеќер: слатки, чоколадо, џем.
• Конзервирана храна, претходно зготвена, замрзната, чипс и житарки за појадок.
• Преработена храна: бел ориз, бел леб, колачиња, печива.
• Брза храна: пржена храна, готови хамбургери.
• Пијалаци: алкохол, кафе, црн чај, безалкохолни пијалаци, готови сокови.
• Покрај тоа: кујнска сол, маргарин, путер од кикирики, спакувани преливи и сосови, вештачки бои, ароми, засилувачи на вкус и хидрогенизирани масти.

Запомнете:

• Пијте најмалку 2 литри вода дневно.
• Одбегнувајте алкохол.
• Кога можете, задолжително одберете органско овошје и зеленчук.
• Зголемете ја физичката активност. Возење велосипед, динамично одење и пливање, сето ова се одлични форми на вежбање овој период од годината.

Ова е идеално време да започнете диета