Ако сакате да изгубите 15 килограми за две недели ова е диета за вас!
За оваа диета се вели дека помага да се загубат од 7 до 15 kg за 15 дена, но, со оглед на тоа што е мошне рестриктивна, најдобро е да се консултирате со лекар пред да ја почнете.
На балканските простори мошне е позната т.н. ВМА диета, што всушност е двонеделен план за исхрана од Воено-медицинската Академија во Белград и која многумина ја практикуваат за да загубат и од 7 до 15 kg за 15 дена.
Оваа диета била креирана од лекарски тим со цел да им се помогне на пациентите побрзо да ослабат пред операција.
Со оглед на тоа што станува збор за диета што е осмислена за пациентите да се чувствуваат добро пред операција, од неа наводно не се забележува омалаксаност, замор и исцрпеност.
Исто така, не би требало да чувствуваат вртоглавици од прегладнетост (но зависи од организмот), а нервозите и раздразливоста наводно треба да бидат сведени на минимум.
Се смета дека идеален период кога се држи оваа диета е крајот на зимата и почетокот на пролетта, но сепак може да се држи во кој било период од годината.
Што смее, а што не смее да се консумира?
Оваа диета е со цикличен карактер, што значи дека таа се состои од три циклуси што траат по пет дена. По завршувањето на тие три циклуси, задолжителна е двонеделна пауза.
Секој ден има по три оброци, а паузата помеѓу секој оброк треба да биде од 4 до 5 часа.
Шеќерите од секаков вид се забранети во оваа диета. Не смеат да се консумираат никакви вештачки засладувачи, солта е дозволена во минимални количини, а алкохолот е забранет.
Задолжително, секој ден треба да се пијат по 2 литри вода, a може да се консумира и лимонада или зелен чај.
Оброците треба да се земаат по ред и да не се прескокнуваат, а вечерата се препорачува до 20 часот.,
Исто така, пушачите треба да се откажат и од цигарите во овој период, бидејќи се препорачува избегнување на никотин за време на диетата.
Појадок
Појадокот сите пет дена е ист и се состои од:
- 1 портокал
- 1 парче двопек
- Филџан кафе или чај (без засладувач)
Распоред за ручек и вечера:
Ден 2
Ручек:
- 1 варено јајце
- 2 лажици кисела павлака, кисело млеко или јогурт
- 1 двопек
- 1 портокал
Вечера:
- 1 до 2 парчиња двопек
- 2 варени јајца
- 1 домат
- 1 краставица
Ден 2
Ручек:
- 1 варено јајце
- 2 лажици кисела павлака, кисело млеко или јогурт
- 1 двопек
- 1 портокал
Вечера:
- 1 двопек
- 1 плескавица (125 g мелено јунешко месо) пржена на малку масло
- 1 домат
- 1 портокал
Ден 3
Ручек:
- 1 варено јајце
- 2 лажици кисела павлака или кисело млеко
- 1 свежа краставица
- 1 портокал
Вечера:
- 1 двопек
- 1 плескавица (125 g мелено јунешко месо) пржена на малку масло
- Филџан кафе или чај без шеќер
- 1 портокал
Ден 4
Ручек:
- 1 парче двопек
- 125 g младо кравјо сирење
- 1 домат
Вечера:
- 2 парчиња двопек или 8 крекери
- 1 плескавица (125 g мелено јунешко месо) пржена на малку масло
- 2 домати
Ден 5
Ручек:
- 200 g варено јунешко месо
- 1 парче двопек
- 1 домат
Вечера:
- 1 варено јајце
- 500 g варен зеленчук
За време на оваа диета можете слободно да се занимавате со полесни вежби, но доколку професионално се занимавате со спорт, тогаш е неопходно да се консултирате со лекар или со нутриционист пред да ја почнете.