7 детокс-денови: Нутриционистички план за чистење на организмот
На вашиот организам му е потребна „чистка“
Детокс-диетата не е препорачлива за деца, тинејџери и за постари лица, како и за жени во период на бременост и доење.
Идејата на оваа програма за детоксикација на организмот е да го исчисти од натрупаните отрови, за да можеме да се одмориме и да закрепнеме.
Детоксот се темели на зеленчук, овошје, протеини, житарки и корисни масти. Првите неколку дена, менито во 80% се состои од течности (кашести и бистри сокови, супи) и од пообилни вечери.
Препорачуваме секој ден да го почнете со чаша млака вода со лимон за да спречите опаѓање на шеќерот во крвта. Не заборавајте и секој ден да шетате најмалку 1 час. Туширајте се наизменично со ладна и топла вода и вашето тело ќе ви биде благодарно.
Ден 1
Појадок
Освежително смути: помешајте 250 мл кокосово млеко, една банана, 50 г кељ, 80 г замрзнати малини, две лажички овесни снегулки и прстофат цимет.
Ужина
Зингер-сок: направете сок од 1 портокал, 2 моркова, 100 г спанаќ, половина лимон, половина лажиче ѓумбир и 1 краставица.
Ручек
Зелена супа (два сервирања): продинстајте главица ситно сечкано лукче со сок од половина лимони со стапче од 1 целер, ситно сечкано. Додајте половина лажиче ким, пола главица броколи и карфиол, грст лебни трошки и коријандер. Додајте половина конзерва грав, па целата смеса ставете ја во блендер со 300 мл вода.
Ужина
Мента-смути: изблендирајте 1 праска, краставица, целер, 100 г кељ, грст свежо нане и половина лажиче ѓумбир.
Вечера
Лосос/пилешко со зеленчук: подгответе го филето (лосос или пилешко) за печење во фолија. Врз него нанесете сечкана жолта пиперка, 1 сечкана тиквичка и 2 печурки. Зачинете со суви зачини и прелијте со сок од 1 лимон. Печете на 180 степени, 20 минути. Сервирајте со 100 г спанаќ.
Ден 2
Појадок
Протеинско смути: помешајте 250 мл бадемово млеко, 100 г боровинки, 1 лажиче протеини од коноп, 1 лажички овесни снегулки и 1 лажица путер.
Ужина
Засилување со цвекло: направете сок од 1 цвекло, 2 стапчиња целер, 2 моркова, 1 јаболко и краставица.
Ручек
Гаспачо-супа: помешајте половина краставица, половина црвена пиперка, половина жолта пиперка, 1 главица лук, половина главица кромид и половина конзерва сос од домати. Матете додека добиете кремава смеса. Пред сервирање, додајте лажица балсамико, маслиново масло и малку зачини.
Ужина
Зингер-сок
Вечера
Гриловани пилешки гради со грашок: 1 парче пилешки гради зачинети по желба, грилувани и сервирани со 100 г грашок и 100 г кељ.
Ден 3
Појадок
Кокос-смути: помешајте 80 мл кокосово масло, 200 мл кокосова вода, банана, 100 г спанаќ, лажиче ленено семе, лажиче овесни снегулки со крем од кокос и матете додека стане кремаво.
Ужина
Мента-смути
Ручек
Зелена супа: искористете ги остатоците од претходните денови.
Ужина
Засилување со цвекло.
Вечера
Зачинет ослич со пире од моркови и кељ: направете маринада од половина лажиче ким, цимер, куркума и кокосово масло. Прелијте го филето ослич со маринадата и печете го на 180 степени, 15 минути. Во меѓувреме, направете пире од 1 морков. Сервирајте го осличот со пирето и со 100 г кељ.
Ден 4
Појадок
Јајца со аспарагус: сварете јајца, па препечете 1 парче леб од цело зрно и исечкајте го аспарагусот сварен на пареа.
Поврзани објави
Ужина
Две мандарини и лажица идниски ореви.
Ручек
Супа од спанаќ и леблебија: продинстајте главица лук со лимонов сок, стапче целер, половина ситно сечкан морков и пиперка, половина конзерва леблебија и со 100 г спанаќ и додајте грст коријандер. Ставете во блендер со 300 мл вода.
Ужина
Половина авокадо и 1 лажица бадеми.
Вечера
Лосос/пилешко со зеленчук.
Ден 5
Појадок
Овесни снегулки: комбинирајте 40 г ореви и 40 г различни семки. Додајте 200 г овесни снегулки, пола лажиче мускатно оревче и оставете малку да отстои. Сервирајте со 4 лажички боровинки и 100 мл бадемово млеко.
Ужина
Јаболко со лажица путер од ореви.
Ручек
Пита од моркови: изрендајте 5 големи моркови и помешајте со 2 лажици кокосово масло, сок од лимон (по желба) и со лажиче семки од чиа. Завиткајте го филот во подебели кори (1 пакување) и испечете.
Ужина
Крцкав кељ (две порции): ставете во плех 250 г кељ и обилно напрскајте го со кокосово масло. Печете го во рерна на 220 степени додека стане крцкав.
Вечера
Пилешки стапчиња со пиперка: исечкајте пилешки гради, 250 г жолта и зелена пиперка. Ставете го месото во чинија и маринирајте го со растопено кокосово масло, помешано со половина лажиче црвен пипер и цимет. Печете го месото на 180 степени и сервирајте го со салата.
Ден 6
Појадок
Кајгана на тост: пригответе кајгана од 2 јајца и сервирајте ја со парче леб од цело зрно. Сварете 100 г спанаќ и сервирајте.
Ужина
Една испасирана банана намачкана на парче препечен леб од цело зрно.
Ручек
Крцкава салата: помешајте зелена салата со 1 изрендан морков, 30 г краставица, 3 шери-домати, 100 г поточарка и со 2 лажички леќа. Прелијте со лажица маслиново масло и со сок од лимон.
Ужина
Ананас и лажица индиски ореви.
Вечера
Шкампи: сварете 100 г шкампи со половина кесичка рендан микс од зеленчук. Додајте сок од лимета и лажиче соја-сос. Сервирајте со 40 г сварена киноа.
Ден 7
Појадок
Авокадо на леб: изгмечете едно авокадо и помешајте го со ситно сечкани шери-домати. Премачкајте со смесата 2 парчиња леб од цело зрно.
Ужина
Една праска и лажица бадеми.
Ручек
Завиткано виножито: исечкајте го цвеклото, половина морков и 2 шери-домати. Ставете во чинија со 50 г рукола и промешајте. Ставете го зеленчукот во тортилја од цело зрно и завиткајте го.
Ужина
Крцкав кељ
Вечера
Песто-ослич: испржете во малку масло филе ослич со 1 лажичка песто-сос. Сервирајте со обарен кељ, 50 г грашок и со 1 сечкано цвекло.
Текст: Наташа Човиновска
Фото: Guliver/Getty Images, Instagram