Дури и доколку не сте љубител на колачи и бонбони и пиете незасладен чај и кафе, тоа не значи дека не внесувате шеќер. Тој значително почесто се крие во готовите производи отколку во садот за шеќер. На пример, во колбасите, сосовите, па дури и во јогуртот и во лебот. Тоа значи дека треба да внимавате на количеството на оваа намирница во исхраната. Еве кои знаци укажуваат на тоа дека консумирате производи со висока содржина шеќер.
- Проблеми со кожата
Шеќерот, пред сѐ, негативно влијае на состојбата на кожата. Тој ги предизвикува хормоните да создаваат повеќе кожна маст, која ги затнува порите. А резултат се мозолчиња. Кога ќе го намалите внесот на шеќер и слатки, кожата ќе ви биде многу поубава.
- Постојани настинки
Задушувајќи го имунолошкиот систем, шеќерот ја влошува можноста на организмот да се штити од стрес и да им се спротивстави на компликациите од хроничните заболувања.
- Нагла промена на расположението
Поврзани објави
Општо е прифатено дека слаткото го подобрува расположението. Тоа навистина е факт, само што тој ефект трае само неколку минути. А потоа нивото на шеќер нагло опаѓа, а и расположението заедно со него. Поради таквите скокови се нарушува хормонската рамнотежа и организмот лошо се бори со стресот. Затоа колачите никако не ги намалуваат апатијата и депресијата, туку токму спротивно – на подолги патеки предизвикуваат немир и раздразливост. Но, расположението сигурно го подига – парче црно чоколадо.
- Сонливост
Нарушувањето на сонот често е поврзано со апсорпција на глукоза. Поради наглите скокови на шеќерот се јавува чувство на сонливост и умор прекуден, а се влошува ноќниот сон. На пример, за појадок испијте шолја засладено кафе со некој кондиторски производ. Тоа ќе ви даде голем прилив на енергија поради нагло покачениот шеќер и инсулин во крвта. А потоа неизбежно следува нагло паѓање на неговото ниво. И, како резултат на тоа, се јавуваат слабост и сонливост среде бел ден, кога би требало да сте најенергични.
- Често грицкање
Доколку постојно чувствувате желба за јадење, можно е во вашата исхрана да има многу прости јаглехидрати, а малку маснотии и белковини (токму тие се одговорни за чувството на ситост).
Треба да се знае
Секако, заклучокот е дека треба да се намали количеството на шеќер во исхраната, заменувајќи го со сложени јаглехидрати и маснотии. Сепак, комплетното откажување од слатки исто така негативно ќе се одрази на здравјето. Умереноста е клуч на успехот. Нормалното ниво на глукоза во крвта е помеѓу 3,3 и 5,5 ммол/л. Држете се до здравите навики, јадете повеќе овошје и зеленчук, физички активирајте се и редовно контролирајте ги крвната слика и шеќерот (барем еднаш годишно).
Извор: Руски доктор