5 предлози за посни појадоци: Ќе ве наполнат со енергија – вкусни и готови за 15 минути (ФОТО)

Многумина мислат дека посниот појадок значи досадна и еднолична исхрана, но тоа далеку не е вистина. Со малку креативност, лесно можете да приготвите разновидни и хранливи оброци кои се целосно без месо и млечни производи, а сепак вкусни и заситни.

Еве пет едноставни посни рецепти кои се брзи за приготвување и идеални за сите кои сакаат здрав почеток на денот:

1. Тост со домат и маслиново масло

Состојки:

• 2 парчиња интегрален леб

• 1 голем зрел домат

• 1 лажица маслиново масло

• Сол и бибер по вкус

• Свеж босилок (по желба)

Приготвување:

Тостирајте го интегралниот леб додека стане крцкав. Доматот исечете го на тенки парчиња и наредете ги врз тостот. Посолете, побиберете, прелијте со маслиново масло и додајте босилок по желба.

2. Овесни снегулки

Состојки:

• 3 лажици овесни снегулки

• 150 мл растително млеко (соја, бадем, овесно)

• 1 лажица сечкани ореви или семки

• ½ чаша сечкано овошје (јаболко, банана, шумско овошје)

• ½ лажичка цимет (по желба)

Приготвување:

Во чаша измешајте овесните снегулки со растителното млеко. Додајте цимет и овошје, а врз тоа посипете ореви или семки. Може веднаш да се јаде или да се остави неколку минути да се впие течноста.

3. Интегрален леб со кикирики путер

Состојки:

• 2 парчиња интегрален леб

• 1-2 лажици кикирики путер (без додаден шеќер)

• ½ банана или 1 мало јаболко (по желба)

Приготвување:

Намачкајте го кикирики-путерот на тостираниот или свежиот интегрален леб. Додајте парчиња банана или јаболко врз путерот. По желба, посипете малку цимет или ленено семе.

4. Проја со зеленчук

Состојки:

• 200 г пченкарно брашно

• 50 г интегрално брашно

• 1 лажичка прашок за печиво

• 250 мл вода или растително млеко

• 2 лажици маслиново масло

• 1 помало тиквиче или морков, рендано

• Сол по вкус

Приготвување:

Измешајте ги двете брашна со прашокот за печиво. Додајте вода/млеко, маслиново масло и рендан зеленчук. Истурете ја смесата во намастен плех и печете на 200°C околу 20 минути додека зарумени.

5. Посен кајмак од индиски ореви со домашен леб

Состојки:

• 100 г индиски ореви (натопени 4-6 часа)

• 50 мл вода

• 1 лажица маслиново масло

• Малку лимонов сок

• 2-3 парчиња домашен леб

Приготвување:

Натопените индиски ореви измешајте ги во блендер со вода, маслиново масло и лимонов сок додека добиете кремаста паста. Намачкајте ја на парчињата домашен леб. По желба, посипете сечкано зачински билки или семки.

ФОТО: Food Photographer | Jennifer Pallia / Unsplash