За стриите, килограмите и мајчинството: Ешли Греам уште еднаш ја шокирала јавноста со својата фотографија!
Одлично изгледа!
Прекрасна и храбра!
Ешли Греам, американскиот модел и првиот модел со прекумерна тежина на насловната страница на магазинот Sports Illustrated Swimsuit Edition, за време на својата долгогодишна кариера ги поместувала границите и ги рушела предрасудите за женското тело и перцепцијата на женската убавина.
Но последниве неколку дена повторно е во центарот на вниманието откако објавила голо селфи од сопствената бања, со кое го слави своето тело. Она што шокира не е голотијата, туку гордоста што Ешли ја чувствува за својата фигура, со сите стрии и килограми кои не сме навикнати да ги гледаме на фотошопираните фотографии на социјалните мрежи.
Се чини дека по освојувањето на модните писти и насловните страници на модните магазини, Ешли си зацртала нови цели: да го нормализира женското тело по породување и да се соочи со нереалните очекувања на општеството, кое очекува од жените за рекордно време магично да се вратат на истите килограми и мерки што ги имале пред бременоста и породувањето.
Додека го споделува со јавноста својот процес на „враќање на старото“ и видеа од вежбање, истовремено покажува и дека треба да го сакаме своето тело во сите негови фази и да го третираме со благодарност и трпение, како и да се фокусираме на други приоритети во животот, како што е мајчинството во нејзин случај.