Неверојатен број од нас не менуваме жилети за еднократна употреба толку често колку што треба, што може да создаде совршени услови за иритирана кожа и нерамномерно отстранување на влакна, вели д-р Укелеге.
Неодамнешното истражување спроведено на 2.000 жени открило дека дури 76 проценти од нив даваат значителна предност на нега на кожата на лицето во однос на остатокот од телото. Тие трошат во просек околу половина час неделно на нега на лицето, додека трошат само пет минути на остатокот од своето тело.
Истражувањето покажа дека 28 проценти од жените трошат барем околу 160 американски долари месечно на производи за убавина на лицето во споредба со 7 проценти од оние кои трошат толку многу на нега на нозете.
Сепак, д-р Евома Укелеге, која го нарача ова истражување, забележува дека многу жени прават грешки кога станува збор за бричење.
„Постојат многу заблуди во врска со бричењето и сè уште постои недостаток на свест за тоа што е добро, а што не“, рече таа.
Таа ги наведе 5-те најчести грешки во бричење:
1. Тие не ги менуваат сечилата доволно често: „Повеќе од една третина од жените (38 проценти) не знаат дека треба редовно да ги менуваат сечилата за да обезбедат цврсто и мазно бричење на кожата“.
2. Тие не ги разбираат придобивките од пилинг за бричење: „Дури 86 проценти од жените не сфаќаат дека бричењето навистина може да помогне при пилинг на кожата“.
3. Тие веруваат во митовите дека влакната стануваат подебели и побрзо растат: „Скоро третина од жените погрешно веруваат дека бричењето предизвикува побрз раст на влакната и дека бричењето ги прави погусти и потемни“.
Поврзани објави
4. Тие не користат крем за бричење: „Скоро 71 процент од жените веруваат дека сапунот и водата делуваат подеднакво како и кремот за бричење, кој всушност има многу придобивки за кожата“.
5. Не се бричат доволно често: „Скоро третина (30 проценти) погрешно веруваат дека секојдневното бричење е штетно за кожата“.
– Неверојатен број од нас не менуваме сечила или жилети за еднократна употреба редовно како што треба, и ова може да создаде совршени услови за иритирана кожа и нерамномерно отстранување на влакна. Исто така, многумина од нас избираат погрешен тип на брич и ги игнорираат најважните производи за пред и после бричење – вели д-р Укелеге.
Неколку детали за истражувањето:
- Дури 71 процент од луѓето се свесни за врската помеѓу сувата и иритирана кожа, но само 16 проценти од нив редовно ги заменуваат сечилата за бричење или земаат нов брич.
- Скоро половина не користат производи пред и после бричење, наменети за помош при нега на кожата.
- Многумина повеќе сакаат да купат хидратантен крем за лице отколку да трошат пари на нов брич.
- Скоро четвртина од луѓето менуваат жилет за еднократна употреба на секои неколку месеци.
- И покрај фактот дека 61 процент од жените имаат сува или иритирана кожа по бричење, третина не избираат жилет заснован на потребите за нега на кожата.
– Јасно е дека сè уште има многу митови кога станува збор за односот кон нашата кожа и рутината на отстранување на влакна, од кои многу може да се решат со едноставно избирање на брич што одговара на индивидуалните потреби – објасни д-р Укелеге.
„Исто како што ја прилагодуваме грижата за видот на лицето, можеме многу лесно да го направиме тоа за нашите нозе, пазуви, прсти или стомак“, додаде таа.
Прочитајте и: Дали жолтите нокти се знак дека вашето тело има недостаток на витамини?
ФОТО: Getty Images