Плус: неколку одлични изненадувања, особено кога станува збор за додатоците за коса…
Дефинитивно малку повоздржани трендови во шминката во однос на претходната сезона, но сепак шармантни и вредни за внимание и труд.
1 Блескаво лице
Здравиот сјај и оваа сезона не ја напушти модната писта. Па, така, не ни преостанува ништо друго освен да го земеме хајлајтерот в раце!
2 Без шминка
Природниот изглед е апсолутно безвременски, а се темели само на подлога во тенок слој, допир на маскара и кармин/сјај во боја на усните.
3 Кафен „зачаден поглед“
Поволен е за секоја пригода, а интензитетот на кафените нијанси можете слободно да го дозирате сами!
4 Надворешно крило
Драматичноста добива ново руво, а правилото е јасно – со дебели линии истакнете го надворешниот агол на окото!
5 Трепки во боја
Погледот истакнат со маскара во боја ќе ја разбие есенската монотонија. Слободно нанесете ја дури и кога сте облечени спортски.
6 Неон
Интензивните неонски нијанси на капаците, кои ја преминуваат „границата“, даваат уметнички печат и ја будат креативноста. Осмелете се!
7 Поделени улоги
Не можете да се одлучите меѓу две нијанси кармин? Нанесете ги и двете – едната на горната усна, другата на долната.
8 Темни нијанси…
… во мат или блескаво издание ги прават усните смели и впечатливи.
9 Свежа трага на бакнеж
Интензивна боја на средината на усните и бледи рабови… Уште еден доказ дека во колекциите за претстојната есен/зима дефинитивно не е видено сè!
10 Различност
Доминира во полето на обликување на веѓите. Некои уметници сосема се откажаа од нив, други необично ги стилизираа, а трети ги направија густи, полни и истакнати. Која опција ви се допаѓа?
11 Обратно венче
Поентата е јасна: ќе ја урами фризурата и ќе ја истакне дополнително, било да станува збор за наједноставен висок кок, или кок од плетенки… Но нема да згрешите и ако го носите на стандардниот начин.
12 Заврзете јазол!
Кој вели дека марамата е резервирана исклучиво за летната сезона?! Дизајнерите дефинитивно го демантираат ова тврдење!
13 Лента како детаљ
Наместо со ластиче, слободно заврзете ја плетенката со лента! Овој тренд е мошне едноставен, а толку ефектен!
14 Живописен допир
Ведрите неонски, но и екстремни нијанси ги вмешаа прстите во косата и донесоа футуристички призвук.
15 Цветни шноли
Тие се израз на копнежот по новата пролет, но и скратено патче до младешки и впечатлив изглед.
Фото: Getty Images