Совет за долготрајност на омилениот сјај… на усните!
Нанесувањето на сјајот за усни може да биде комплициран процес, особено ако сакате да изгледа совршено.
Сајот за усни повторно стана многу популарен. И денес, покрај класичниот „безбоен“, можеме да избираме помеѓу безброј нијанси и текстури. Колку и да звучи едноставно, нанесувањето сјај за усни може да биде комплициран процес, особено ако сакате да изгледа совршено.
Подолу ви ги откриваме најдобрите трикови и совети како правилно да го нанесете сјајот на усните и да постигнете „сочен“ изглед.
Подгответе ги усните
Без разлика дали користите сјај, кармин или подлога, важно е да ги подготвите усните. Прво, избришете ги со влажна крпа пред да го нанесете сјајот. Исто така, правете ексфолиација на усните одвреме-навреме. За таа цел, измешајте лажичка шеќер со кокосово масло и масирајте ги усните со смесата. Исплакнете, избришете ги усните и тие се подготвени да се „подмачкуваат“.
View this post on Instagram
Правилно нанесување на сјајот
Нансете го сјајот само на долната усна, а потоа размачкајте го и на горната. На овој начин ќе добиете совршен сјај. Ако сакате вашите усни да бидат уште поблескави и пополни, не размачкајте ги, туку едноставно спојте ги усните.
Сјај и кармин
Поврзани објави
Сјајот може да биде одлична алатка за да ја нагласите вашата омилена нијанса на кармин. Откако ќе нанесете кармин, ставете малку сјај на средината на долната усна и спојте ги усните. Не размачкајте го сјајот бидејќи постои можност бојата на карминот да излезе надвор од рабовите на усните.
Како да направите сјајот за усни да трае подолго?
View this post on Instagram
Единствениот недостаток на сјајот е тоа што брзо се брише. Врамете ги усните со неутрален молив пред да нанесете сјај. Потоа, нанесете малку бебешка пудра на усните и дури потоа сјај. На овој начин, сјајот ќе биде потраен.
Сјај за усни за позрели дами
Сјајот не е резервиран само за тинејџерките. Овој мелем за усни може да го носи секој. И за дамите во позрели години, се препорачува кога нансеуваат сјај да излезат малку надвор од „рамката“ – усните. На тој начин, усните ќе изгледаат пополни.
Текст: Убавина и здравје
Фото: Инстаграм