Овој минерал е незаменлив за вашата кожа: Кажете им збогум на токсините, нечистотиите и акните!
Природата во служба на негата
Способноста на зеолитот да ги собира и неутрализира тешките метали и другите токсични материи го прави исклучително пожелна состојка за нега на вашата кожа
Зеолитот е минерал кој е многу силен детоксикатор, бидејќи има способност длабински да ги извлекува на површина токсините, нечистотиите, но и тешките метали во кожата, кои многу често се собираат во порите. Исто така, се покажал и како многу делотворен во намалувањето и отстранувањето мозолчиња, акни, иритација на кожа и митесери. На кожата ѝ го враќа сјајот, тонусот и природната отпорност на штетните агенси.
Животната средина и големото загадување во кое живееме, за жал, не ја заобиколува ни нашата кожа – во неа се насобираат загадувањата од надворешната средина во вид на издувни гасови, смог и прашина, кои се полни со тешки метали.
Овој минерал, поради своите силни детоксикациски дејства, пожелно е да се вклучи во секојдневната нега на кожата. Тоа може да го направите така што ќе приготвите пилинг или маска за лице од зеолит.
Маска за длабинско чистење и хидратација на лицето
За оваа маска потребно е да помешате една лажица зеолит, лажица вода и лажица масло од јојоба. Наместо вода, можете да користите и чај од невен, коприва или камилица, бидејќи сите три имаат смирувачко дејство на кожата. Нанесете ја маската на малку намокрена кожа и почекајте да се исуши, а потоа измијте го лицето со млака вода.
Пилинг од зеолит за чистење и детоксикација на осетлива кожа
За овој пилинг ќе ви треба лажиче хидратантен крем, лажиче вода или растителен чај, лажиче зеолит и лажиче јачменови снегулки. Добро измешајте ги сите состојки и нанесете ги на лицето, со бавни кружни движења неколку минути. Потоа, измијте ја кожата со млака вода.