Направете сами: Свежа вода за одлична хидратација на лицето!
Влажноста е клучна за еластичноста на кожата
Направете ја оваа едноставна и прекрасна вода за лице што дополнително ќе ви ја освежи кожата и ќе направи да се чувствувате одлично.
Ваквите освежувачи за лице се навистина потребни во зимскиот период поради сувиот воздух и студот.
За да му помогнете на вашето лице да остане свежо и убаво, направете ја оваа вода од производите што сигурно ги имате дома, а ќе ви направат одлична хидратација.
Единствено потребни ви се шишенце со распрскувач, зелен чај и свежа краставица.
Поврзани објави
Во половина литар вода (или помалку), сварете го зелениот чај. Кога добро ќе се излади, во садот во кој го варевте, ставете ја краставицата исечкана на парченца и оставете ја целата смеса да стои во ладилник барем еден час.
Извадете ги парчињата краставица и течноста ставете ја во шишенцето со распрскувач. Со водата во шишенцето, прскајте го лицето наутро и навечер откако добро ќе го исчистите, но и во текот на денот кога ќе почувствувате дека на вашата кожа и е потребно освежување.
Уживајте во свежината!