Користете ја шминката за да ја истакнете својата убавина, а не да се камуфлирате: „Антиконтурирањето“ е новиот бјути тренд

И покрај контурирањето – макотрпниот процес на користење кремови, пудри и коректори во боја за контролирање на нијансите, па дури и цртите на лицето – што долго време важеше за тренд за убавина низ децениите, се чини дека се оддалечуваме од пренагласената техника во корист на поприродниот изглед.

Применете антиконтурирање – техника со помош накоја ќе направите вашата кожа да изгледа како вистинска кожа. Новиот израз на убавина го измислила самата Боби Браун, маверик за убавина, основач на „Џонс Роуд“ и шампион за антиконтурирање – вклучува прифаќање на вашата кожа таква каква што е. И сите сме за тоа.

На социјалните мрежи има многу негативни содржини кои зборуваат како да ги прикриете вашите маани, да ги истакнете карактеристиките и секогаш да изгледате совршено, без разлика на цената“, објаснува Боби.

„Тоа едноставно не е моја филозофија. Секогаш се фокусирам на позитивните и ги славам разликите на лицата на луѓето. Ако сакате да знаете како да го контурирате или деакцентирате кој било дел од вашето лице што го гледате како мана, можете само да отидете на YouTube и ќе најдете начини да го прикриете. Но, јас не ги учам луѓето да користат таква шминка. Секое нешто што го правам во Џонс Роуд е да ја направам вашата кожа да се чувствува како кожа. Како вашата најдобра кожа. Знам дека жените кои ќе го купат ќе бидат оние кои сакаат леснотија, едноставност, да изгледаат како подобри верзии од себе.“

Па, како можеме да го направиме тоа дома?

Навистина е едноставно со користење на еден производ“, вели Боби.

Гуруто за убавина ги охрабрува своите следбеници да се откажат од рутините за шминкање во 10 чекори за да користат неколку сигурни производи за да си дадат малку сјај, да ги подобрат нивните природни карактеристики и да се чувствуваат проклето добро поради тоа.

Престанете со контурирање на носот. Не ви треба тоа, носот ви е во ред“, вели таа, според „Гламур“.

Како го правите тоа?

Боби предлага користењето на повеќенаменски балсам или дури и кокосово масло може да го направи трикот. Користете ги прстите за да го нанесете балсамот, тријте ги прстите заедно, а потоа намачкајте го на образите за суптилен сјај.

Гарантирам дека веднаш ќе изгледате подобро. Плус, ако имате дополнителен балсам на прстите, намачкајте ги капаците и усните за дополнителен хидратантен сјај“, ветува таа.