Заборавете на трендовите: Овие 2 фризури никогаш нема да излезат од мода, а совршено им стојат на сите!
Полн погодок
Есента е идеално време за промени. Доколку размислувате за нова фризура, нема да погрешите со овие две опции
Трендовите доаѓаат и си одат, но со класиката нема грешка. Фризерите секоја сезона наметнуваат некој нов тренд на стилизирање на косата, кој кратко се задржува и потоа се појавува следниот и така во круг. Промените некогаш годат, но невозможно е да се искористи буквално сè што е актуелно.
Овие фризури успешно го положиле тестот на времето и со децении се омилениот избор на дамите. Најдобро кај нив е тоа што одлично стојат на секој облик на лице.
Доколку не сакате да ризикувате, овие две фризури се идеални за вас.
Паж
Паж или боб-фризурата, со должина малку под брадата, му стои секому. Дури и да имате тркалезно лице, ќе ви стои феноменално. Оваа должина е многу погодна, па лесно ќе го одржувате обликот и фризурата ќе изгледа беспрекорно.
Можете да носите потполно рамна коса, но добро ќе изгледа и доколку ја навиткате.
Степенеста фризура
Ваквиот начин на потстрижување е ненадминлив со децении. Сигурно барем еднаш во животот сте имале токму ваква фризура и знаете колку добро го истакнува лицето.
Поради начинот на потстрижување, нема да морате да вложите никакви дополнителни напори во нејзиното стилизирање. Доволно е да ја исушите со фен, додајте малку пена и „изгужвајте“ ја косата и ќе имате фризура како штотуку да сте излегле од салон.