Рецепт за домашен шампон од познат фризер: Длабински чисти, хидрира и ја обновува оштетената коса!
Вреди да се проба
Британски фризер се колне во моќта на овој домашен шампон
Познатиот британски фризер Ози Ризо открил рецепт за едноставен и евтин домашен шампон кој ќе ја прероди вашата коса. Тој тврди дека со редовна употреба на овој шампон може да ги отстраните вишокот маснотии, но и да го обновите влакното и да ѝ го вратите сјајот на косата.
„Содата бикарбона ја чисти косата така што заштитниот себум го претвора во сапуница, ги отстранува сите остатоци од производите на влакното и ја детоксицира кожата на главата и косата. Оваа состојка ќе ги отстрани вишокот маснотии и нечистотии од косата, а благодарение на абразивната текстура дејствува како пилинг на кожата на главата, ѝ ја враќа мекоста и сјајот на косата и го елиминира непријатниот мирис“, тврди фризерот.
Потребни состојки:
- кесичка сода бикарбона
- вода
- празно шишенце шампон
- јаболков оцет
- есенцијално масло
Приготвување:
Измешајте лажица сода бикарбона со чаша вода и по желба додајте некое есенцијално масло.
Нанесете го шампонот на косата, втријте го во темето и оставете го неколку минути да дејствува. Потоа, измијте го.
Завршете го миењето на косата така што ќе ја измиете косата со мешавина од вода и јаболков оцет во сооднос 4:1, бидејќи така ќе го вратите балансот на pH-вредноста и косата ќе добие сјај.
Фризерот напоменува дека шампонот не е погоден за луѓе со чувствително теме или со премногу сува коса.