Модерни фризури: Микс на 40-тите и на 70-тите на минатиот век
Ви ги претставуваме стиловите што ни „паднаа в око“
Брановити кадрици, кои беа популарни во 1970-тите, оваа сезона ќе се носат со патец настрана – детаљ карактеристичен за 40-тите години на минатиот век, како и со затегната коса на врв на главата. На повеќето ревии доминантни се ретро-бранови, кои се разликуваат по големината.
Кркми Рамни, густи, префрлени преку едната страна, скалесто потстрижени… Тие дефинитивно се враќаат на голема врата: за некои форми на кркми не ви се потребни ножици, бидејќи се креираат со префрлување на едно подолго перче преку челото, кое треба да се прицврсти со шнола. Текстот продолжува по огласот…
Затегнато И за преку ден, и за навечер… Косата е затегната, повлечена наназад и сосема рамно зачешлана во задниот дел. Исто така, уште една варијанта на овој стил е фризура затегната во тилот, со спуштени, брановити перчиња до краевите.
Вовлечени перчиња Доста лежерен стил со лабаво навиткани и вовлечени перчиња во кок или во коњско опавче, забележани на модните писти уште лани. Овој стил ќе биде уште еден од модните диктати и за претстојната сезона, посебно кога собраната коса е вовлечена во широка рол-јака или во јаката на голем капут.
Мокро & заплеткано Еден од трендовите што е најтешко да се преведат во реалниот живот: „мокри“ и доста заплеткани бранови во косата. Нешто пореална варијанта на овој стил е „мокра“ коса собрана во коњско опавче.
Поврзани објави
Елегантно, ниско коњско опавче Разни верзии на ниско коњско опавче, со целосно зачешлана коса и јасен патец или со патец настрана… Уште еден впечатлив детаљ е многу сјајна и рамна коса.
Природно Без разлика дали се работи за виткана, брановита, рамна, кратка, паж или за коса до половина на грбот, фризерите ја нагласуваат природната текстура без да употребат производи за стилизирање.
Кокови во стил на хероините на Хичкок Елегантни, високо врзани кокови совршено прилегаат со елегантната облека видена.
Панк/рок-бунт Иако повеќето од нас ќе изберат елегантни и префинети фризури, не се сомневаме дека оние посмелите ќе го прифатат панк/рок-стилот со „кренати боцкави прамени во боја, во стилот на рокерите од 1970-тите и на панкерите од 1980-тите години.
Микробрановито Мали и еднакви бранови се креираат едноставно – кога ќе ја расплетеме плетенката, а оправдано заслужуваат свое место помеѓу хит-фризурите оваа сезона.
Текст: Наташа Човиновска
Фото: Getty Images, Instagram