Совети од фитнес-тренери: Прилагодете го тренингот на менструалниот циклус
За време на менструалниот циклус, треба малку да забавите со активностите, но не е точно дека треба целосно да ги елиминирате. Имено, потребно е само интензитетот на вежбање да се прилагоди на промените што се случуваат во организмот во текот на тие денови …
Секој дел од циклусот носи одредени хормонални промени, а нивото на естроген и прогестерон влијае на расположението и енергијата. Затоа, фитнес-тренерите советуваат како да тренирате во која фаза и ние ви донесуваме неколку корисни совети за одделни делови од циклусот.
Првите пет дена од менструацијата
Во овој период, нивото на естроген е ниско, можно е да се чувствувате уморни и без енергија. Лесно одење, истегнување, пилатес или јога се тренинзи кои најдобро ќе ви одговараат за време на менструацијата. Доколку се одлучите за јога, внимавајте да не правите превртени положби во кои стапалата се над срцето, како што се „свеќа“ (Сарвангасана), „плуг“ (Халасана), „стој на раце“ (Ширшасана) и слично. Гравитацијата неприродно влијае на матката и ја зголемува циркулацијата што може да предизвика поголемо крварење.
Фаза пред овулација (6-12 дена)
Овие се најдобрите денови ако сакате да започнете со вежбање бидејќи нивото на енергија полека се враќа и вашата способност за градење мускули е зголемена. Во овој период, идеален е боксот, спринт и тренинг во интервали со висок интензитет.
Поврзани објави
Овулација и постовулација (денови 13-20)
Комбинацијата на естроген и тестостерон во телото за време на овулацијата ви дава поголема мотивација и енергија. Ова е периодот кога најмногу ќе ви одговара трчањето и групниот тренинг. Исто така, ако менструалниот циклус трае 28 дена, ќе забележите околу 17-тиот ден дека ви опаѓа енергијата и мотивацијата. Наш совет е потоа да вклучите пријател во спортски активности кој ќе ве инспирира да вежбате повеќе.
Предменструална фаза (21-28 дена)
Во овој период, хормонот прогестерон е доминантен, така ќе се чувствувате благотворно. Телото нема да биде расположено за експлозивни тренинзи, но јога, пливање или пилатес ќе му одговараат. Пред менструацијата, најверојатно нема да бидете расположени за спортски активности, но добро е да знаете како спортот позитивно влијае на ПМС, односно ако редовно вежбате по неколку месеци, болката и грчевите ќе ви бидат многу помали.
Прочитајте и: 5 вежби што можете да ги направите без да станете од кревет
ФОТО: Pixabay