Синди Крафорд ја покажала својата линија на 56 години: Иако годините летаат, таа не се менува – во ова е тајната!
Дознајте повеќе
Синди Крафорд објавила фотографија во бикини и ги распаметила следбениците
Не се вели бадијала – еднаш супермодел, секогаш супермодел. Барем така е во случајот на Синди Крафорд, која иако ја гази шестата деценија, изгледа фантастично!
Славната манекенка сега се соблекла во минијатурно бикини и предизвикала општо воодушевување на Интернет, со оглед на тоа што им 56 години.
Наметната само со фротирски баде-мантил, некогашната супермоделка позирала во тегет костим за капење, кој ги истакнувал нејзините облини, затегнатиот стомак и витиот струк.
View this post on Instagram
Многумина коментирале дека изгледа идентично како во 1990-тите кога владеела со модниот свет. Доволно е да погледнете некои од нејзините стари фотографии за да се уверите дека овие тврдења се вистинити.
Синди никогаш не криела дека здравата исхрана е заслужна за нејзиниот беспрекорен изглед, како и редовниот тренинг, па така таа задолжително јаде салата секој ден и пие зелен чај, но повремено си дозволува и топка сладолед или чоколаден колач.
Синди открила и дека одбегнува намирници како леб, тестенини и ориз, како и преработена храна.
View this post on Instagram
Поврзани објави
„Се трудам да имам 20-минутен кардиотренинг најмалку три пати неделно. Потоа, од 30 до 60 минути правам исчекори, клекнувања, кревам тегови – тоа се едноставни работи што ги научив пред 30 години“, открила таа своевремено.
View this post on Instagram
Кога станува збор за негата на лицето, Крафорд тврди дека клучно е да ја приспособите шминката што ја користите на своите години и да имате на ум дека препаративната козметика е поважна од декоративната и дека фокусот треба да ви биде на негата на кожата.
Открила дека и самата таа ја заменила љубовта кон шминката со љубовта кон препаратите за нега.
„Би рекла дека тоа е најголемата еволуција за мене. Тоа ми дојде некако интуитивно со годините“, истакнала таа за „Вог“ во една пригода и додала дека и негата на психата и одржувањето на внатрешниот мир се многу важни за зачувувањето на младоста.
View this post on Instagram
Крафорд објаснила и што подразбира правилната грижа за кожата, објаснувајќи дека тоа значи задолжително чистење наутро и навечер, тонирање на кожата и нанесување квалитетни хидратантни кремови, кои би требало да содржат и високо ниво на СПФ. Таа нагласила дека пожелно е да вклучите и серум во дневната рутина, ако имате проблеми со кожата, како проширени пори и хиперпигментација.
„Мислам дека најважно е да се грижите за своето тело и ум, за вашите односи и да имате пријатели со кои можете да се смеете и да разговарате“, прокоментирала оваа убавица во една пригода.
Коментарите се заклучени.