Кога телото ќе рече: „Стоп, доволно ми е“, музиката има моќ да го подигне твоето расположение и да ви даде друг атом на сила, како што објасни спортскиот психолог Костас Карагеоргис.
Откако проучија повеќе од 6,7 милиони компилации за вежби, експертите ја пронајдоа идеалната музичка позадина за тренинг. Највисоката листа на песни што поттикнуваат најмногу вежбање се базира на нивната популарност, но и на нивното темпо, стил и текст.
Музиката на несвесно ниво ги поместува границите на издржливост за време на тренингот и поттикнува на вежбање. Вежбањето со музика ќе ве натера да трчате неколку километри повеќе или да направите повеќе повторувања на вежбите. Покрај тоа, музиката ве мотивира и го подигнува расположението.
Ова го покажа и истражувањето на Универзитетот Брунел – кога ќе ги синхронизирате движењата со ритам и ќе го зголемите интензитетот на тренинг со избирање побрза песна, тоа ќе го зголеми ефектот на вежбање, а нема да забележите ниту дека тренирате понапорно. Мотивациската плејлиста може да помогне во маскирањето на симптомите на замор, како што е отежнато дишење, а исто така ќе ви помогне да го гледате заморот на попозитивен начин.
Ова значи дека кога телото ќе рече: „Престани, доста ми е“, музиката има моќ да го подигне расположението и да ви даде уште еден атом на сила, вели спортскиот психолог Костас Карагеоргис, раководител на истражувањето, кој откри дека музиката може да го зголеми вежбањето за 15 проценти.
Мажите и жените избираат различна музика
Додека момците креваат тегови заедно со темата од филмот „Роки“, „Окото на тигарот“, жените ќе изберат хитови од Ријана или Лејди Гага. Покрај разликата во полот, истражувањето покажа и дека не секој жанр на музика оди со секој стил на вежбање. Така, рапот создава најдобра звучна слика за трчање, а танцот е најсоодветен за тренинг со сила.
Во рапот, просечниот број на отчукувања во минута (bpm) е помеѓу 75 и 95, што најдобро одговара на темпото на трчање кај повеќето луѓе. Поп-музиката е совршена за побавен вид активност, а тоа вклучува загревање и ладење.
Танцот најдобро се слуша за време на тренинг со сила, заради неговиот брз и ритмички бас, а рок треба да се избегнува во активности со висок интензитет, бидејќи честите промени во темпото на музиката, исто така, можат да влијаат на ритамот на вежбата.
Нашиот мозок е исклучително одговорен на различни фреквенции, ритми и мелодии. Поради оваа причина, ритмичката музика може да биде мотивирачка. Важно е да изберете музика што одговара на ритамот на вежбата: пониски фреквенции и побавен ритам ќе ве заспијат, но исто така и музика што го асоцира вежбачот на нешто позитивно.
Слушајќи ваква музика, мозокот реагира позитивно, а како што се поврзани умот и телото, нас нè обзема чувството на удобност и енергија и во таква состојба сме мотивирани да вежбаме.
Поврзани објави
Најдобра компилација за тренинг:
1. „Roar“ – Katy Perry – 92 bpm (ментална подготовка)
2. „Get Lucky“ – Daft Punk ft. Pharrell Williams – 116 bpm (загревање)
3. „Need U (100%)“ – Duke Dumont ft. A*M*E – 124 bpm (кардио тренинг со помал интензитет)
4. „Feel My Rhythm“ – Viralites – 128 bpm (кардио тренинг со умерен интензитет)
5. „Happy“ – Pharrell Williams – 160 bpm (кардио тренинг со многу висок интензитет)
6. „The Monster“ – Eminem ft. Rihanna – 110 bpm (тренинг за сила)
7. „Talk Dirty“ – Jason Derulo ft. 2 Chainz – 100 bpm (истегнување)
Прочитајте и: Немате волја за вежбање? Ова истражување открива зошто
ФОТО: Unsplash