Нов концепт вежби: За подобрување на животниот квалитет

Добро познато е дека вежбањето е многу пожелна физичка активност, бидејќи претставува единствен спас од седечкиот начин на живот, кој неминовно си го зема својот данок. Сепак треба да се знае како и колку треба да се вежба, но и пред да се одлучиме за некој спорт, телото треба да го доведеме во состојба во која можноста да се повредиме и да му нанесеме штета на организмот е минимална.

Неодамна беше промовирана нова фитнес-програма, чија цел е да ја оптимизира здравствената состојба на вежбачите за подоцна тие да можат да се занимаваат со спортот што ќе го изберат.

Вежбањето како лек

Вежбањето не претставува лек само за луѓето што имаат некаква дијагноза, туку и за оние на кои им е потребна рекреација. Кога се задава тренингот и се дозираат вежбите треба да се имаат предвид подобар квалитет на животот и чувство на задоволство како посакувани резултати, што се постигнува со подобрување на подвижноста, рамнотежата и на координацијата.

Ефектите од вежбањето можат да бидат непосредни и дополнителни. Позитивните непосредни ефекти се зголемување на фреквенцијата на срцевите отчукувања и на дишењето, зголемување на температурата на телото и насочување на течението на крвта во мускулите.

Гледано од аспект на морфологијата, вежбањето има позитивно влијание врз коските, подвижноста на зглобовите и врз силата на мускулите, но исто така ги подобрува и кардиоваскуларните параметри и ја зголемува работната способност. Значи, главна цел на вежбањето, ако не сте професионален спортист, би требало да биде подобрување на квалитетот на животот.

Оптимизација на здравјето

Треба да се води сметка за оптимизација на човековото здравје. Тоа е облик на проприоцептивно вежбање, кое претставува специфичен сплет на индивидуални вежби, чија цел е да ги подобрат кинестезиите и да ги активираат мускулните јадра што ги стабилизираат ’рбетниот столб и трупот, односно тежиштето на телото.

Тоа е многу важно за избегнување повреди за време на вежбањето. Значи, акцентот треба да биде на рамнотежата, а не на силата. На телото му се задава потреба моторната контрола да се измени и, ако тоа се прави систематски и плански, моторната контрола навистина може да се подобри.

Потоа човекот може да се занимава со кој било спорт.

Прецизно дозирање

Кога се препорачуваат вежби за зацврстување на внатрешните мускули на телото треба да се внимава и на дозирањето. Кога лекарот пропишува лек, тој секогаш мора да ја знае точната цел што сака да ја постигне и во согласност со неа го дозира лекот и одредува во која форма треба да се консумира. Исто е и со вежбањето.

Прво треба да се види која е причината за проблемот што сакаме да го решиме, потоа прецизно да ги дефинираме вежбите – како се прават, во кој став, со кои реквизити, со која брзина и по која патека се изведуваат движењата, колкава може да биде тежината на товарот што се крева, доколку и тоа е вклучено.

Кога ќе се дефинира какво треба да биде движењето, се одредува во колкава серија ќе се применува, со која брзина, потоа колку серии ќе се прават во текот на еден тренинг, колку тренинзи во текот на денот и колку дена во текот на циклусот на вежбање.

Се одредува и должината на паузите, колку често треба да се прават, дали треба да бидат пасивни или исполнети со некои активности.

Рекреативците се занимаваат со физичка активност за зачувување на здравјето, но и од задоволство. Сепак, пред сè, треба да се обидеме со вежбањето да го поправиме сето она што не чини во органзмот.

Еве четири вежби за истегнување и обликување во домот со кои можете да ја започнете вашата тренинг програма:

Склекови: Совршената форма е клучна при правењето склекови. Започнете со варијација што можете да ја завршите, но со добра техника. Треба да ги направите овие вежби напорно, за да преминете на следното ниво кога ќе можете да направите 10 до 12 повторувања без да го спуштите грбот, да направите кратки паузи или нестабилни потреси.

Текст: Убавина и здравје

Фото: Getty Images, Pexels