Најдобрите тренинзи за здраво срце: Во здраво тело, здрав дух
Најдобрите вежби за здраво срце вклучуваат комбинација од многу активности…
Вежбањето е еден од најдобрите начини да го одржуваме нашето срце здраво и да функционира добро. Но, сигурно се прашувате што е подобро: џогирање, вежбање кардио или кревање тегови?
Добрата вест е дека можеме да ги комбинираме сите тие тренинзи, а целта е иста: здраво срце. Додека кардиото го вежба кардиоваскуларниот систем, тренингот за сила исто така има свои придобивки. Еве што нè советуваат експертите.
Колку често вежбате за поздраво срце?
Американското здружение за срце вели дека возрасните треба да вежбаат најмалку 150 минути неделно. Покрај аеробен тренинг, експертите советуваат и тренинг за сила. Вежбањето со сила ја зголемува мускулната маса, што значи дека кардиоваскуларниот систем е во состојба да пумпа повеќе крв. Ова доведува до помал притисок во артериите, што го намалува ризикот од многу срцеви заболувања.
Сепак, експертите советуваат да поставиме разумни цели, особено ако досега не сме биле ангажирани во физичка активност. Се препорачува, доколку сте почетник, да вежбате (или пешачите) два до три пати неделно, минимум 20 минути. По еден месец, зголемете го интензитетот и временскиот интервал на вежбање. Клучот е всушност во упорноста.
Најдобрите тренинзи за здраво срце
Аеробик (кардио вежби)
Поврзани објави
Овој тип на тренинг го намалува ризикот од кардиоваскуларни и метаболни заболувања, го намалува крвниот притисок, лошиот холестерол, ја одржува телесната тежина и нивото на инсулин во крвта и го подобрува спиењето и расположението.
Советот е да правите кардио вежби пет пати неделно, по 30 минути.
Вежби за сила
Вежби со кревање тежина и слични вежби за сила го намалуваат нивото на холестерол, триглицериди и крвен притисок. Покрај тоа, ги одржува нашите коски здрави. Советот е да имате тренинг за сила три пати неделно по 20 до 30 минути.
Истегнување и флексибилност
Овие видови вежби го поддржуваат здравјето на мускулите и коските, но исто така го намалуваат нивото на холестерол, како и крвниот притисок. Покрај тоа, тие влијаат на регулирање на телесната тежина. Се препорачува да правите поблаги верзии на пилатес или јога секој ден.