Холивудски трикови за топ-форма

Жените што се во добра кондиција имаат подобар доток на крв во мозокот и подобро помнат

Овие шест фитнес-факти што ни ги открија тренерите на најголемите светски ѕвезди ќе ви помогнат брзо да стекнете суперкондиција и совршен изглед.

Кардио-вежбите не се доволни за обликување на телото

Една од најголемите фитнес-грешки што ја прават жените е изведувањето исклучиво кардио-вежби. Таквата програма резултира со намалување на телесната маса, а не со обликување на телото.

Од друга страна, со изведување вежби за зајакнување (пилатес, склекови, чучнувања) двапати неделно совршено се обликуваат мускулите и се забрзува метаболизмот.

Не мора да кревате тегови за да ги затегнете мускулите

Немате опрема? Можете да постигнете исти резултати на затегнување на мускулите ако ја користите тежината на своето тело, заради ефектот на отпор.

Можете да правите вистински (машки) склекови

Освен ако не сте заработиле некоја спортска повреда, време е да престанете да правите женски склекови (со колената на подот).

Вистинските склекови се совршена вежба за горниот и средишниот дел на телото. Тие ги затегнуваат мускулите на градите, рамената, рацете и на грбот.

Инструкции: поставете ги рацете директно под рамената а нозете испружете ги зад телото. Затегнете ги стомачните мускули така што телото да ви биде исправено. Дури и да не можете да направите ни три склека во континуитет, секако ќе имате корист.

Интервал-тренинзите даваат побрзи резултати

Наизменично изведување кардио-вежби со побавно и побрзо темпо (во траење од минута-две) побрзо согорува масти отколку вежбање со ист ритам.

Ако сакате уште подобри резултати, експертите предлагаат интервал-тренинзи, за време на кои се комбинираат кардио-вежби и вежби на зајакнување: 10 минути кардио-вежби, а потоа три или четири вежби на зајакнување (на пример, склекови и чучнувања).

Повторете го овој интервал уште двапати и така за помалку од еден час ќе направите вежби за целото тело.

Енергетските напивки се неопходни за екстремно тешки тренинзи, не за просечни

Овие пијалаци се многу калорични заради високиот процент шеќери што ги содржат, па може да се случи за време на тренингот да внесете повеќе калории отколку што согорувате. Значи, ако тренингот не ви трае подолго од еден час, пијте само обична вода.

Менувањето на редоследот на вежбите ви го осигурува одржувањето на постигнатите резултати

Нашето тело е многу „паметно“: ќе се приспособи кон секој режим на вежби за шест недели вежбање. Ако сакате да постигнете резултати и да ги одржите, тогаш мора да внесете промени во режимот на вежбање.

Сепак тоа не значи дека морате целосно да го смените – доволно е само да го смените редоследот на вежбите за зајакнување.

Текст: Наташа Човиновски

Фото: Pixabay, Getty Images

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време