Фитнес-митови во кои треба да престанете да верувате

Не само што ќе ве забават, овие грешки исто така можат да ви наштетат.

Дезинформациите и митовите се составен дел од фитнес-индустријата.

Поради многуте збунувачки пораки што ги добиваме кога станува збор за диети и фитнес-рутини, ние често сме збунети за тоа како правилно да јадеме и да вежбаме. И заблудите можат да ви наштетат.

Најчести фитнес-митови

Мит број 1: Класичните стомачни вежби се најдобри за стомакот

Многумина мислат дека ќе добијат „плочки“ на стомакот доколку направат многу стомачни вежби. Но, вистината е дека ви треба многу повеќе за познатиот „6 pack“. Покрај стомачни, потребно е да се прават кардио тренинзи, вежби за долниот дел на грбот и колковите, и секако, потребно е да се подобри исхраната!

Мит број 2: Губење на вишок на одреден дел од телото

Еден од најчестите фитнес-митови е дека можеме да изгубиме вишок маснотии од еден дел од телото, а не од друг. Губиме маснотии од различни делови на телото со различна брзина и не можеме да контролираме каде ќе изгубиме и колку сантиметри во обемот.

Мит број 3: Тренинзи секој ден

Некои фитнес-тренери препорачуваат да не правите паузи во текот на неделата и да вежбате секој ден. Но, тоа ви носи повеќе штета отколку корист. На телото му требаат 24 до 72 часа за да се одмори од претходниот тренинг. Затоа, совет е да вежбате три до четири пати неделно, со еднодневна пауза помеѓу два тренинга.

Мит број 4: Долги тренинзи, подобар резултат

Час и пол вежби не се гаранција за подобри и побрзи резултати. Некои вежби се доволни да ги направите само 30 минути. Сè зависи од интензитетот и квалитетот на вежбањето, а не од времето.

Мит број 5: Кревањето тегови ќе ве „набилда“

Кревањето тегови го забрзува метаболизмот, ја зголемува густината на коските, ја одржува мускулната сила и ни помага да бидеме посилни. Покрај тоа, овој вид на вежба согорува маснотии.

Мит број 6: Мускулите „се претвораат“ во маснотии кога не вежбаме

Кога правиме пауза од вежбање, мускулите се намалуваат, но не се претвораат во маснотии. Она што им се случува на повеќето луѓе е дека јадат повеќе, па поради внесувањето на повеќе калории, тие добиваат на тежина кога не тренираат. Студиите покажаа дека мускулите согоруваат калории.

Мит број 7: Нема лоши вежби

Телото на поединецот едноставно не е подготвено за некои движења, па може да се појават повреди. Ако вежбата ви предизвикува болка, тоа е знак да престанете.

Прочитајте и: 4 вежби за горниот дел на грбот кои ќе го подобрат вашето држење на телото

 

ФОТО: Unsplash

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време